अमेरिकी राष्ट्रपतिमा ट्रम्पभन्दा बाइडेन अगाडी

१९ कात्तिक, काठमाडौं । अमेरिकी राष्ट्रपति चुनावमा वर्तमान राष्ट्रपति ट्रम्पभन्दा जोय बाइडेन अगाडी देखिएका छन् । प्रारम्भिक मत गणनामा डेमोक्रेटिक पार्टीका उम्मेदवार बाइडन रिपब्लिकन पार्टीका ट्रम्पभन्दा अगाडि देखिएका हुन् ।

अहिलेसम्म अमेरिकाका ५० मध्ये २० राज्यको नतिजा आइसकेको छ । जसमा बाइडनले ९४ इलेक्टोरल भोट पाएका छन् भने ट्रम्पको पक्षमा ८० इक्लेक्टोरल भोट छ । केही भोटले अगाडी रहेपनि दुई जनाबीच कडा प्रतिष्पर्धा छ ।

१८ राज्यको मतगणनामा बाइडनले कोलोराडो, न्युयोर्क, न्यु जर्सी, मेरिल्याण्ड, मासाचुएट्स, भर्मोन्टलगायतका राज्यको इलेक्टोरल भोट जितेका छन् । त्यस्तै ट्रम्पले नर्थ र साउथ डाकोटा, वेस्ट भर्जिनिया, इन्डियाना, अल्बामा लगायतका राज्यको इलेक्टोरोल भोट पाएका छन् ।

सुरुआती नतिजामा बाइडन ट्रम्पभन्दा अगाडि देखिए पनि मुख्य प्रतिस्पर्धा हुने राज्यको मतगणनाको नतिजा भने आउन बाँकी छ । फ्लोरिडा, पेन्सिभानिया, टेक्सास, नर्थ क्यारोलिना राज्यको नतिजाले मात्रै कसले चुनाव जित्छ भनेर भन्न सकिन्छ ।