भारतीय सेनाध्यक्ष काठमाडौं उत्रिनुअघि परराष्ट्रसचिवसँग भारतीय राजदूतको भेटवार्ता

१९ कार्तिक, काठमाडौं । नेपालका लागि भारतीय राजदूत विनय मोहन क्वात्रा र परराष्ट्र सचिव भरतराज पौड्यालबीच भेटवार्ता भएको छ । भारतीय प्रधान सेनापति काठमाडौं आउनु भन्दा केही घन्टा अगाडि वुधबार विहान भेटवार्ता भएको हो ।

भेटवार्ताको बारेमा क्वात्राले नेपाली भाषामै ट्विट मार्फत भनेका छन, ‘परराष्ट्र सचिव भरतराज पौड्यालजीसँग न्यानो भेट भयो । हामीबिच भारत–नेपाल सहकार्यमा भइरहेको ठोस प्रगतीबारे सकारात्मक छलफल भयो ।’

परराष्ट्र मन्त्रालयको सचिव बनेकोमा पौड्याललाई राजदूत क्वात्राले बधाईसमेत दिएका थिए । भारतीय सेनाध्यक्षको भ्रमणलाई महत्वका साथ हेरिएका बेला परराष्ट्रसचिव र राजदुत क्वात्राबीच भेटवार्ता भएको विषय पनि अर्थपूर्ण छ ।

गत २२ असोजमा बसेको मन्त्रिपरिषद बैठकले पौड्याललाई परराष्ट्र मन्त्रालयको सचिवमा नियुक्त गरेको थियो ।