आउन मायामा दयाहाङ र बिमलाको फिचर्ड

२० कार्तिक, काठमाडौं । गायिका मेलिना राई र गायक सुमन राईको आवाज रहेको ‘आउन माया’ बोलको गीतको भिडियो सार्वजनिक भएको छ । गायक तथा संगीतकार हरि लम्सालको शब्द संगीत र एरेन्जमा तयार भएको हो भने गीतले माया प्रेम र विरहलाई दर्शाएको छ ।

गीतको भिडियोमा अभिनेता दयाहाङ राई र बिमला खजुमको फिचर्ड छन् । किरण चाम्लिङ राईको निर्देशन रहेको गीतको भिडियोको सम्पादन अनिल रानाले गरेका हुन् भने छायांकन भुपेन्द्र तुम्बाहाम्फेले गरेका हुन् । भिडियो टुभेल नोट्स मार्फत बजारमा ल्याइएको हो ।

सुन्दर जिल्ला इलाममा अवस्थित पर्यटकिय क्षेत्र चपेटी ,रतुवा खोला लगायत झापाको विभिन्न स्थानलाई गीतमा छायांकन गरिएको छ । सामान्य जिबनयापन गर्न दाउरा बेच्न जाने क्रममा खोलाले बगाएर आफ्नो प्रेमिकाको बियोगमा पात्रले पोखेको भावनामा जो कोहि पनि भाबुक बन्ने छ ।