मोराटाले गोल गरेपछि च्याम्पियस लिगमा युभेन्ट्सको दोस्रो जित

२० कार्तिक, एजेन्सी । अल्भारो मोराटाले गोल गरेपछि युभेन्ट्सले च्याम्पियन्स लिग फुटबलमा दोस्रो जित दर्ता गरेको छ । समूह चरण अन्तर्गत बुधबार राति भएको खेलमा युक्रेनी क्लब एफटिसीलाई ४–१ गोल अन्तरले पराजित गर्दै युभेट्सले दोस्रो जित निकालेको हो ।

एफटिसीको मैदानमा अल्भारो मोराटाले सातौं मिनेटमा गोल गर्दै युभेन्ट्सलाई अग्रता दिलाएका थिए । युभेन्ट्सले ६० औं मिनेटमा मोराटाकै गोलबाट अग्रता दोब्बर बनायो ।

खेलको ७३ औं मिनेटमा पाउल डिबालाले तेस्रो गोल गरे । ८१ औं मिनेटमा एफटिसीका लाशा डीभालीले आत्मघाती गोल गर्दा युभेन्ट्सको जित सुनिश्चित भएको हो । जितसँगै समूह जीको युभेन्ट्सले ३ खेलमा ६ अंक जोडेको छ ।