धुम्बाराहीमा प्रचण्डले बोलाए सचिवालय बैठक
नेपालबहस संवाददाता
कात्तिक २१, २०७७ शुक्रबार १७:४३:५१
२१ कार्तिक, काठमाडौं । सत्तारुढ नेपाल कम्युनिष्ट पार्टी भित्रको अन्तर्संघर्ष उत्कर्षतर्फ लम्किएकोछ । पछिल्लो साता प्रधानमन्त्रीसमेत रहेका नेकपा अध्यक्ष केपी ओली र अर्का अध्यक्ष पुष्पकमल दाहाल प्रचण्डबीच चुलिएको विवादले एउटा स्वरुप ग्रहण गर्ने संकेत गरेकोछ । ओली र प्रचण्डबीच हिजैपनि छलफल भयो । तर दुबै नेता आफ्ना पूर्व अडानबाट पछि हटेका छैनन् । अहिले मूलतः पार्टी सचिवालय बैठक डाक्ने प्रस्ताव प्रचण्डले राखेका छन् , तर ओली त्यसलाई ठाडै अवीकार गर्छन् ।
हिजैपनि दुबै अध्यक्षबीच यही विषयमा कुरा मिलेन । त्यसपछि प्रचण्डले अब यही विषयमा कुरा गर्न बालुवाटार नधाउने भन्दै निस्किएका थिए । प्रचण्डलगायत वरिष्ठ नेताहरु झलनाथ खनाल, नेता माधवकुमार नेपाल र वामदेव गौतम तत्कालै सचिवालय बैठक डाकेर समस्याको हल खोज्नुपर्ने पक्षमा छन् । तर ओली भने सचिवालय बैठकबाट आफ्नो राजीनामा माग्ने तयारी भएको भन्दै नबस्ने बरु जस्तोसुकै चुनौतीको सामना गर्ने पक्षमा अडिग छन् ।
हिजैको भेटमा पनि ओलीले प्रचण्डलाई यही संकेत गरेको स्रोतको भनाई छ । ओलीले भनेका थिए– तपार्ईंहरु सचिवालय बैठक डाक्न किन हतारिनुभएको हो, मलाई थाहा छ, मलाई हटाउने निर्णय गर्नु भयो भने म अझै कडा स्टेप चाल्नेछु । तर प्रचण्डले भने तपाईंलाई हटाउने कुनै कुरा नभएको बरु समस्याको हल अब सामुहिक रुपमै निकालौं भन्ने उद्येश्यले मात्रै सचिवालय बैठक डाक्न लागेको दाबी गरेका थिए ।
तर ओलीले सचिवालय बैठक बोलाउन नमानेपछि प्रचण्डले त्यसो भए म सचिवालयका साथीहरुसँग छलफल गरेपछि मात्रै तपाईंसँग भेट्ने छु भन्दै बालुवाटारबाट बाहिरिएको स्रोतले बतायो । सोही बमोजिम आज दिउँसो १ बजेका लागि पार्टी कार्यालय धुम्बाराहीमा प्रचण्डले ओलीवाहेकका सचिवालय सदस्यहरुलाई डाकेका छन् ।
यसको जानकारी प्रचण्डले संसदीय दलका उपनेता सुभाषचन्द्र नेम्बाङमार्फत ओलीलाई दिएका छन् । आज बिहान प्रचण्डलाई भेट्न खुमलटार पुगेका नेम्बाङलाई प्रचण्डले भने– सचिवालय सदस्यहरुसँग छलफल गरेपछि मात्रै प्रधानमन्त्री ओलीसँग भेट्ने छु । नेम्बाङले दुबै अध्यक्षबीचको सम्बादले नै समस्याको हल पहिल्याउने भन्दै फेरि छलफल थाल्न प्रचण्डलाई आग्रह गरेका थिए ।
हिजो प्रचण्डलगायत नेता नेपालले कोटेश्वरस्थित पूर्व माओवादीको केन्द्रीय कार्यालयमा निकटका केही कानून व्यावसायीहरुसँग भेटी परामर्श गरेका थिए । सो अवसरमा उनीहरुले ओलीलाई सचिवालयले राजीनामा दिन निर्देशन दियो भने ओलीले चाल्न सक्ने स्टेप के हुुन सक्छन् भन्दै जिज्ञाशा राखेका थिए । लगत्तै ओलीले बालुवाटारमा आयोजित मन्त्रिमण्डलको बैठकमा आफूविरुद्ध कोटेश्वरमा षडयन्त्रको तानाबुना बुन्न थालिएको भन्दै त्यसलाई निस्तेज पारिने चेताबनी दिएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार