मोवाईल र रेड पाण्डाको छालासहित ६ जना पक्राउ

२३ कार्तिक, काठमाडौं । दुर्लभ वन्यजन्तु रेड पाण्डाको छालासहित ५ जना पक्राउ परेका छन् । नेपाल प्रहरीले ललितपुर ईमाडोल क्षेत्रबाट तस्करीमा सम्लग्न छ जनालाई पक्राउ गरेको जनाएको छ । गत कार्तिक २१ गते ललितपुर, महालक्ष्मी नगरपालिका वडा नं. ४ स्थित दिपक लिम्बुको कोठाबाट प्रहरीले ३ फिट लामो र एक फिट चौडाइ भएको सो प्रतिबन्धित छाला नियन्त्रणमा लिएको महानगरिय प्रहरी अपराध महाशाखाले जनाएको छ । पक्राउ परेका व्यक्तिहरुबाट विभिन्न ब्रन्डका ७ थान मोवाईसमेत नियन्त्रणमा लिइएको प्रहरीले जनाएको छ ।

अपराध महाशाखाबाट खटिएको विशेष अनुसान्धान टोलिले तस्करीमा सम्लग्न सिन्धुपाल्चोक जिल्ला जुगल गाउँपालिकाका ४३ वर्षिया सुनिल गोले, बलेफि गाउँपालिकाका २४ वर्षिया प्रकाश तामाङ, भोजपुर जिल्ला ट्याम्केमैयु गाउँपालिकाका ४९ वर्षिया सनकुमार राई, खोटाङ जिल्ला दिक्तेल नगरपालिकाका १८ वर्षिया सोनाम राई, ताप्लेजुङ जिल्ला फक्तङलुङ गाउँपालिकाका ३५ वर्षिया दिपक लिम्बु र सिन्धुली जिल्ला तीनपाटन गाउँपालिकाका २४ वर्षिया अम्बर बहादुर तामाङलाई विभिन्न स्थानबाट पक्राउ गरेको प्रहरी उपरिक्षक ईश्वर कार्कीले जानकारी दिए ।