सवारी ज्यान मुद्दामा फरार देवान पक्राउ

२४ कार्तिक, काठमाडौं । सवारी ज्यान मुद्दामा फरार रहेका शेख मोकदम देवानलाई प्रहरिले पक्राउ गरेको छ । ईलाका प्रहरी कार्यालय कटहरीया रौतहटबाट खटिएको प्रहरी टोलीले आज बिहान उनलाई पक्राउ गरेको हो । रौतहट जिल्ला अदालत गौरको लगत नं.३५२ मा उल्लेख रु.२,०००।– (दुई हजार) जरिवाना र २ बर्ष कैद फैसला भई फरार रहेको देवान घरगाउँमानै लुकीछिपी बसेको सुचनाका आधारमा प्रहरीले समात्न सफल भएको छ । हाल प्रहरी नियन्त्रणमा रहेका देवानलाई कोरोना भाइरस परिक्षण पश्चात रौतहट जिल्ला अदालतमा पेश गरिने जनाइएको छ ।