तिहारमा बाणिज्य बैंकका सबै शाखा बन्द हुने, ६ हजार कर्मचारी संक्रमित

२५ कार्तिक, काठमाडौं । तिहारमा बाणिज्य बैंकहरुका सबै शाखा बन्द हुने भएका छन् । बाणिज्य बैंकहरुको छाता संगठन नेपाल बैंकर्स एसोसिएसनले एक सूचना जारी गर्दै कार्तिक २९ गतेदेखि मंसिर १ गतेसम्म कुनै पनि शाखा नखुल्ने जनाएकाे हो ।

यद्यपि डिजिटल बैंकिङ र एटीएम सेवाहरु भने सुचारु रहनेछन् । बाणिज्य बैंकहरुमा हालसम्म ६ हजार कर्मचारीमा कोरोना संक्रमण पुष्टि भएको छ । बैकिङ क्षेत्रमा हाल  ५० हजार भन्दा बढी कर्मचारी कार्यरत रहेका छन् ।

कोरोनाको बढ्दो क्रास र ठुलो संख्यामा कर्मचारीमा कोरोना हुँदा पनि आफूहरुले सेवा दिइरहेको बैकर्स एसोसिएसनले बताएकाे छ । साथै कोरोना भाइरसबाट बच्न तथा जोखिम न्यूनीकरणका लागि पनि डिजिटल कारोबार गर्न संघले आग्रह गरेको छ ।