मंसिर २२ गते आरएमडीसीको साधारण सभा, के-के छन् त प्रस्ताव ?

२५ कार्तिक, काठमाडौं । आरएमडीसी लघुवित्त वित्तीय संस्थाले मंसिर २२ गते २२ औं वार्षिक साधारण सभा बोलाएको छ । कम्पनीको हिजो बसेको सञ्चालक समितिको बैठकले मंसिर २४ गते सभा गर्ने निर्णय गरेको छ ।

आर्थिक वर्ष २०७६/७७ को नाफाबाट लघुवित्तले १५ प्रतिशत बोनस शेयर र कर प्रयोजनका लागि ५ प्रतिशत नगद लाभांश गरी जम्मा २० प्रतिशत लाभांश वितरण गर्ने प्रस्ताव पेश गर्दैछ । संस्थाले १३ करोड ४८ लाख ९८ हजार ५१३ रुपैयाँ बराबरको बोनस शेयर वितरण गर्नेछ । यस्तै, ४ करोड ४९ लाख ६६ हजार १७१ रुपैयाँ नगद बाँड्नेछ । सभाका लागि मंसिर ८ गतेबाट मंसिर २२ गतेसम्म बुक क्लोज गर्ने जनाएकोछ ।

मंसिर ७ गतेसम्म शेयर खरिद गरी कायम रहने लगानीकर्ताले सभामा भाग लिन र लाभांश दाबी गर्न पाउने छन् । हाल आरएमडीसीको हाल चुक्ता पुँजी ८९ करोड ९३ लाख २३ हजार ४२५ रुपैयाँ रहेको छ । प्रस्तावित बोनस सेयर वितरणपछि पुँजी १ अर्ब ३ करोड ४२ लाख रुपैयाँ पुग्नेछ ।