दाङमा ट्रकको ठक्करबाट घटनास्थलमै तीन जनाको मृत्यु

२६ कार्तिक, दाङ । दाङमा ट्रकको ठक्करबाट तीन जनाको मृत्यु भएको छ । देउखुरीको राप्ती गाउँपालिका वडा नं ४ मौरीघाटमा ना ६ ख ३३४४ नम्बरको ट्रकले विपरीत दिशाबाट आइरहेको रा ५ प ६७४४ नम्बरको मोटरसाइकललाई गएराति ८ बजेतिर ठक्कर दिँदा मोटरसाइकलमा सवार तीन जनाको घटनास्थलमै मृत्यु भएको हो ।

प्रहरीका अनुसार दुर्घटनामा राप्ती गाउँपालिका–५ का १६ वर्षीय मनोज गाहा, राप्ती गाउँपालिका–२ का १८ वर्षीय कसम पुन र राप्ती गाउँपालिका–८ पिपरीका १८ वर्षीय दिनेश घर्तीको मृत्यु भएको छ । शवलाई  अहिले लमही अस्पतालमा राखिएको छ ।