सावधान ! महिलामाथि बोक्सीको आरोप लगाउनु र कुटपिट गर्नु जघन्य अपराध !

२६ कार्तिक, काठमाडौं । सावधान ! महिलामाथि बोक्सीको आरोप लगाउने र कुटपिट गर्नु जघन्य अपराध हाे । तर समाजमा यति जान्दा जान्दै पनि महिला माथि  बोक्सीको आराेप लगाउने काम राेकिएकाे छैन् ।

विभिन्न संघसंस्थाहरुको पहलमा महिला हिंसाका घटना न्यूनिकरण गर्न पहल नभएका होइन । भए पनि तर, ती पीडित महिला न्याय पाउनबाट बन्चित भएका छन् । हालै दाङमा पनि यस्तै घटना भएकाे छ ।  प्रहरीले महिलालाई गालीगलौज र कुटपिट गर्ने तीन जनालाई पक्राउ गरेको छ ।बोक्सीको आरोपमा महिलालाई गालीगलौज र कुटपिट गर्ने तीन जनालाई पक्राउ गरेको छ।

पीडित महिलाले दिएको जाहेरीका आधारमा प्रहरीले दुई फरक घटनामा संलग्न तीन आरोपीलाई पक्राउ गरिएको जिल्ला प्रहरी कार्यालय दाङले जनाएको छ ।

प्रहरीका अनुसार घटना कार्तिक १५ गते राति हो । प्रहरीले दिएको जानकारी अनुसार मदिरा सेवन गरेर तुलसीपुर उपमहानरपालिका वडा नं.५ निवासी ३० वर्षीया एक महिलालाई संगीत नगर टोलका देबहादुर परियारले बोक्सी भन्दै गालीगलौज र हातपात गरेको थिए । सोही घटना भएको भोलीपल्ट प्रहरी पीडित महिलाले दिएको जाहेरीका आधारमा परियारलाई पक्राउ गरेको हो ।

त्यस्तै कार्तिक २१ गते घोराही उपमहानगरपालिका वडा नं.१६ निवासी दुई महिलालाई बोक्सीको आरोप लगाउँदै गालीगलौज गर्ने थप दुई महिलालाई पनि प्रहरीले पक्राउ गरि सार्वजनिक गरेको छ ।

स्थानीय ४५ वर्षीया नौमती महरा र २८ वर्षीया दीपा बाठा मगरले धामी झाँक्रीको भेषमा काम्दै ती दुई महिलाको घरमै पुगेर बोक्सी भन्दै गाली गलौज गरेको पीडितले जाहेरीमा उल्लेख गरेको प्रहरीले जनाएको छ । अहिले दुबै घटनामा पक्राउ परेकाहरू माथि थप अनुसन्धान भइरहेको छ ।