निधि सभापतिको उम्मेदवार भए गुटको चर्को विभाजन कम हुन्छ : डा.मीनेन्द्र रिजाल

२६ कार्तिक, काठमाडौं । नेपाली कांग्रेसका केन्द्रीय सदस्य डा. मीनेन्द्र रिजालले उपसभापति विमलेन्द्र निधि सभापतिको उम्मेदवार भएमा सबै विवाद कम हुने बताएका छन् ।

बुधबार ट्वीट गर्दै रिजालले उपसभापति निधि अब सभापतिकाे उम्मेद्वार हुँदा पार्टीभित्र गुटको चर्को विभाजन कम हुने उल्लेख गरेका हुन् । उनले अगाडि अगाडि लेखेका छन्, “विमलेन्द्र निधिजी सभापतिको उम्मेदवार हुँदा दुइभन्दा बढी उम्मेदवार हुन्छन र पार्टी अहिले झैं दुइटा ध्रुवमा चर्को गरी विभाजित रहदैन् । त्यो सकारात्मक हो । तर उहाँले सफलता प्राप्त गर्ने/नगर्ने र सफल भए बिना भेदभाव सबैलाई नेतृत्व गर्न सक्ने/नसक्ने कुरा त अहिले पनि परीक्षण र परखको गर्भमा छ।”

विमलेन्द्र निधिजी सभापतिको उम्मेदवार हुँदा दुइभन्दा बढी उम्मेदवार हुन्छन र पार्टी अहिले झैं दुइटा ध्रुवमा चर्को गरी विभाजित रहदैन। त्यो सकारात्मक हो। उहाँले सफलता प्राप्त गर्ने/नगर्ने र सफल भए बिना भेदभाव सबैलाई नेतृत्व गर्न सक्ने/नसक्ने कुरा त अहिले पनि परीक्षण र परखको गर्भमा छ।

— Minendra Rijal (@MinendraRijal) November 11, 2020

कांग्रेसको १४ औं महाधिवेशन नजिकिएका बेला वरिष्ठ नेता रामचन्द्र पाैडेल निकट मानिने रिजालले उक्त कुरा बाहिर ल्याएका हुन् । कांग्रेसको महाधिवेशन फागुनमा तोकिएको छ। फागुनमा महाधिवेशन केही गरी नभए त्यसको छ महिनाभित्र गरिसक्नुपर्ने बाध्यकारी अवस्था छ।

तर निधि सफल हुने वा नहुने भन्ने कुरा अहिले नै परीक्षण गर्न नसकिने रिजाल तर्क गर्छन्। यता सभापति शेरबहादुर देउवालाई लामो समयदेखि साथ दिँदै आएका निधि यसपटक आफैं सभापति उठ्ने तरखरमा छन् ।