सरकारको अर्को अलोकप्रिय निर्णय, पूस्तकमा १० प्रतिशत कर !

२७ कार्तिक, काठमाडौं । पछिल्लो समय आफ्नै निर्णयबाट आलोचित बनेको ओली सरकारले अर्को अलोकप्रिय निर्णय गरेको छ । विदेशबाट आउने पूस्तकमा समेत कर लगाउने निर्णय गरेर ओली सरकार थप आलोचित बन्ने सम्भावना बढेको छ । पूस्तकमा लगाइने करबारे यसअघिदेखि नै विवाद र विरोध छ ।

यसका बाबजुद सरकारले विदेशमा छापिएर आउने किताबमा १० प्रतिशत कर लगाउने निर्णय गरेको छ । यद्यपी यो निर्णय यसअघि भन्दा लचिलो हो । यसअघि १५ प्रतिशत कर तिर्नुपर्ने बाध्यता थियो । तर सरकारले यसलाई घटाएर १० प्रतिशतमा झारेको छ ।

नेपाली पाठक र विक्रेताले भने पूस्तकमा कर लिनु सरकारको निर्णय राम्रो नभएको टिप्पणी गर्ने गरेका छन् । पूस्तक ल्याउँदा छुट दिनुपर्ने भएपनि सरकारले छुट कम दिने तर कर नछाड्ने निर्णय गरेको छ ।

गत आर्थिक वर्ष विदेशबाट आउने सबै किताब तथा पत्रपत्रिकामा १० प्रतिशत भन्सार लगाउने निर्णय गर्नुअघि पनि नेपाली प्रकाशकले विदेशमा छापेर नेपालमा ल्याउँदा १५ प्रतिशत भन्सार लाग्दै आएको थियो।