नेकपाको सचिवालय बैठक आज बस्दै
नेपालबहस संवाददाता
कात्तिक २८, २०७७ शुक्रबार १३:५५:२४
२८ कार्तिक, काठमाडौं । सत्तारुढ नेकपाको सचिवालय बैठक आज बस्दैछ । शुक्रबार दिउँसो ४ बजेपछि बालुवाटारमा बस्ने बैठकमा सत्तारुढ पार्टीको आन्तरिक किचलोका विषयमा निर्णायक छलफल हुने अनुमान गरिएको छ ।
लामो छलफल, दबाब र गुटबन्दीपछि प्रधानमन्त्री तथा नेकपाका अध्यक्ष केपी शर्मा ओलीले शुक्रबार ४ बजेका लागि बैठक आह्वान गरेका हुन् । यद्यपी आजको बैठक बसीहाल्छ भन्नेमा नेताहरु ढुक्क छैनन् । यसअघि पनि ओलीले आफूलाई बाध्य पारेर बोलाइएका बैठक शुरु हुन अगाडी स्थगित गर्ने गरेका छन् ।
शुक्रबारको बैठक अघि प्रचण्ड, वरिष्ठ नेता माधव कुमार नेपाल लगायतका नेताहरुले पटक पटक भेटेर, दबाब सिर्जना गरेर बैठक बोलाउन बाध्य भएकाले ओलीले समयमै बैठक सुचारु गर्छन् भन्नेमा आशंका जन्मिएको हो ।
त्यसमाथि आजको बैठकका लागि अर्का अध्यक्ष प्रचण्ड र वरिष्ठ नेता माधव नेपाल पक्षले बेग्लै रणनीति बनाएको छ । बिहीबार खुमलटारमा भएको घण्टौ लामो छलफलले ओलीविरुद्ध फरक र निर्णायक रणनीति बनाएको नेताहरुको दाबी छ ।
यसले शुक्रबारको बैठकमा ओलीलाई अल्पमतमा पार्ने प्रचण्ड पक्षको प्रयास हुनेछ । जसको सामनाका लागि ओली आन्तरिक छलफल र परामर्शमै छन् ।
के छ प्रचण्डको रणनीति ?
पछिल्लो समय आलोपालो सहमतिअनुसार आफूलाई प्रधानमन्त्री पद नदिएको भन्दै प्रचण्ड ओलीविरुद्ध निरन्तर चाल बुनिरहेका छन् । शुरुमा सचिवालय र पछि स्थायी कमिटी बैठकमै ओलीको सार्वजनिक राजीनामा माग गरेका प्रचण्डले अहिले पनि त्यही माग गरिरहेका छन् ।
तर प्रधानमन्त्री ओली आफूले कुनै हालतमा राजीनामा नदिने भन्दै अड्डी कसेर बसेका छन् । जसले गर्दा सत्तारुढ नेकपाभित्र निरन्तर आन्तरिक किचलो बढ्दो छ । शुक्रबारको सचिवालय बैठकमा पनि प्रचण्ड पक्ष ओलीलाई गलाउने रणनीतिमा छ ।
राजदूत नियुक्ती, मन्त्रि हेरफेर, गुटगत नियुक्तीका विषयमा प्रचण्डले ओलीसँग निर्णायक जवाफ माग्ने तयारी छ । यसभन्दा पनि बढी पेचिलो बनेको पार्टी एकता टुंगोमा पुग्न नसकेपछि पार्टी फुटाउने प्रस्ताव ओलीले नै गरेपछि प्रचण्ड बढी दबाबमा छन् ।
पार्टी फुटाउने वा मिलाउने भन्ने विषयमा शुक्रबारको सचिवालय बैठकले थप अगाडीको बाटो देखाउनेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउपनिर्वाचनमा २ हजार ३८७ प्रहरी परिचालन, ५९ मतदान केन्द्र अतिसंवेदनशील
बैशाख १३, २०८१ बिहिबार
कांग्रेस नेता शेर्पासहित ३ जनालाई धरौटीमा छाड्न सर्वाेच्चको आदेश
बैशाख १३, २०८१ बिहिबार
मन्त्रिपरिषद्को बैठकले के के निर्णय गर्यो ?
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
बागमती प्रदेशसभा : हिउँदे अधिवेशनका ५७ दिनमा ६ बैठक मात्रै !
बैशाख १३, २०८१ बिहिबार
नारायणी नदीमा सशस्त्रको सेमुलेशन अभ्यास सम्पन्न
बैशाख १३, २०८१ बिहिबार
बजारमा निम्न गुणस्तरको वाई वाई चाउचाउ, महानगरले चौधरी ग्रुपलाई तिरायो २ लाख
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
मटिहानीमा आगलागी : न खाने अन्न रह्यो, न फेर्ने लुगा !
बैशाख १३, २०८१ बिहिबार
खडेरीले मकै सुक्न थालेपछि नारायणी लिफ्टबाट पानी छाडियो
बैशाख १३, २०८१ बिहिबार