नेकपाको सचिवालय बैठक बालुवाटारमा शुरु

२८ कार्तिक, काठमाडौं । सत्तारुढ नेकपाको सचिवालय बैठक बालुवाटारमा शुरु भएको छ । पार्टीभित्र उत्पन्न विवादका विषयमा छलफल गर्न बालुवाटारमा सचिवालय बैठक शुरु भएको प्रधानमन्त्री केपी शर्मा ओलीका प्रेस सल्लाहकार सूर्य थापाले जानकारी दिए ।

उनका अनुसार पार्टीभित्रको आन्तरिक किचलो समाधान गर्ने विषयमा सचिवालयमा छलफल हुनेछ । तर प्रधानमन्त्री ओली र अर्का अध्यक्ष प्रचण्डबीचको विवादले गर्दा समस्या समाधान हुनुको साटो झन् झन् बढ्दै गएको छ ।