थप २१११ जनालाई संक्रमण, १३ जनाको मृत्यु

२८ कार्तिक, काठमाडौं । नेपालमा थप २ हजार १ सय ११ जनालाई कोरोना संक्रमण पुष्टि भएको छ । स्वास्थ्य मन्त्रालयले दिएको जानकारी अनुसार थप दुई हजार १ सय ११ जनामा कोरोना संक्रमण पुष्टि भएको हो। योसँगै संक्रमितको संख्या दुई लाख ६ हजार ३५३ पुगेको छ।

यस्तै कोरोना संक्रमित १३ जनाको मृत्यु भएको छ। पछिल्लो चौबिस घण्टामा थप १३ जनाको मृत्यु भएसँगै कोरोनाबाट मृत्यु हुनेको संख्या १ हजार २०२ पुगेको छ।

पछिल्लो २४ घण्टामा ३ हजार ५ सय ३७ जना निको भएका छन्। योसँगै निको हुनेको संख्या एक लाख ६८ हजार १ सय २९ जना निको भएका छन्।