प्रचण्ड बाहिरिएपछि बालुवाटारमा माधव नेपालसँग ओलीको छुट्टै छलफल

२८ कार्तिक, काठमाडौं । प्रचण्डले छुट्टै प्रस्ताव राखेर बाहिरएपछि बालुवाटारमा प्रधानमन्त्री केपी शर्मा ओलीले सचिवालय सदस्यसँग छु्ट्टाछुट्टै परामर्श थालेका छन् । प्रचण्डको प्रस्तावबारे वरिष्ठ नेता माधव कुमार नेपाल, उपाध्यक्ष वामदेव गौतम लगायतका नेताहरुसँग परामर्श गरेका हुन् ।

सचिवालय बैठक सकिएलगत्तै प्रचण्ड बैठकबाट बाहिरिएका थिए । प्रचण्डसँगै वरिष्ठ नेता झलनाथ खनाल र प्रवक्ता नारायणकाजी श्रेष्ठ पनि बाहिरिएका थिए । तर ओलीले वरिष्ठ नेता माधवकुमार नेपाल, उपाध्यक्ष वामदेव गौतम, गृहमन्त्री बादल, उपप्रधानमन्त्री ईश्वर पोखरेल र महासचिव विष्णु पौडेलसँग छ्ट्टै परामर्श गरेका हुन् ।

यसले प्रचण्डको चालबाजीविरुद्ध ओलीले पनि कडा कदम उठाउन सक्ने अनुमान गरिएको छ । नेकपा फुटको संघारमा पुगेका बेला प्रचण्डले राजनीतिक प्रतिवेदन सचिवालयमा राखेका हुन् । सो प्रस्तावमाथि मंसिर ३ गते बस्ने सचिवालय बैठकमा छलफल हुनेछ ।