कांग्रेस हराएको सूचना
नेपालबहस संवाददाता
मंसिर २, २०७७ मंगलबार १९:४७:५१
राणा शासनको अन्त्य गरी देशमा प्रजातन्त्र ल्याउनका लागि स्थापना भएको कांग्रेसले राजा र जनता दुबैको सहभागितामा २००७ सालमा प्रजातन्त्र ल्यायो । नेपाली जनतालाई १०४ बर्षसम्म एकछत्र शासन गर्ने जहानियाँ राणाशासनबाट मुक्ति दिलायो । त्यसबेला ३० बर्ष मुनिका जिउँदा नेपालीको साहस र हिम्मत देखेर राणाहरु मात्र हैन सिंगो हिन्दुस्तानसमेत डरायो ।
जनताको पक्षमा गरिएका राम्रा कामहरु र जनताका घर आँगनमा पुगेर जनताका समस्यामा साहारा बनेको देखेर जनताले पनि २०१५ सालमा नेपाली कांग्रेसलाई नै मन पराए । झण्डै प्रतिपक्ष शुन्य, प्रकाण्ड बहुमत ल्याएर नेपाली कांग्रेसले सरकार बनायो । त्यो बेलाको नेपाली कांग्रेसको देश बिकासको नीति, कार्ययोजना, नागरिकको समर्थन र सहयोग, नागरिकको प्रजातन्त्रप्रतिको उत्साह र नेतृत्वप्रतिको विश्वासका कारण त्यसबेलाका नेताहरुमा पनि देशमा बिकासको मुल फुटाउने हौसला पलायो ।
तर राजा महेन्द्रलाई कांग्रेसको त्यस प्रकारको विकास योजना र त्यसलाई कार्यान्वयन गर्ने कार्यशैलीले अब नेपाली कांग्रेसले यो देशमा बर्षौसम्म एकछत्र नेतृत्व गर्दै विकासको बाटोमा देशलाई हिडाउने भो भनेर अत्यन्तै क्रुद्ध र आक्रामक बनायो । त्यहि भएर जनताद्धारा निर्वाचित सरकारले शासनसत्ता सम्हालेको दुई बर्ष पनि नपुग्दै २०१७ सालमा राजाबाट जनताले रोजेर जनताकै प्रत्यक्ष मताधिकारद्धारा स्थापित सरकारलाई टुँडिखेलबाटै झ्यालखाना तर्फ पठाईयो । उक्त स्थानमा राजाका नाभीबाट पञ्चायत नामको निरंकुश निर्दलीय व्यवस्था जन्माईयो । जनताद्धारा निर्वाचित जनताका प्रतिनिधिहरुलाई जेलमा हालियो ।
नेपाली कांग्रेसले बनाएका देश विकासका योजनाहरुलाई फोहोरको टोकरीमा लगेर फालियो । कांग्रेस भएकै कारण कत्तिको सर्वस्वहरण गरियो । कति देशमा पञ्चायतको कठोर यातना खप्न नसकेर निर्वासनमा बसे । कति झुठा मुद्धामा जीवनभर नराम्रोसँग फसे । पञ्च नामको गोमन सर्पले स्वतन्त्रताका पक्षपाती नेपाली जनतालाई डस्नुसम्म डसे । तर पनि देशमा कांग्रेस अझै जिउँदै छ भन्ने भान थियो ।
कुनै पनि नागरिकलाई म कांग्रेस हुँ भन्ने कुराको शान थियो । बीपी कोइराला थिए, जसले कठोर यातना र चरम अभावमा पनि कार्यकर्तालाई बिचलित हुन दिएनन् । अहिलेका नेताको जस्तो विदेशीको पाउ परेर कुनै पनि मुलुकसँग आनासुकी सहयोग पनि लिएनन् । स्वाभिमानका साथ नेपाली कांग्रेसलाई अनि कांग्रेसले अंगीकार गरेको प्रजातान्त्रिक समाजवादलाई अझ परिस्कृत र समय सान्दर्भिक रुपमा ब्याख्या गरे ।
नेपाली दुर्गम गाँउ र बस्तीहरुलाई कसरी बिकास गर्ने भन्ने ध्याउन्नमै आफ्नाे सम्पूर्ण जीवनका उर्भर समय बिताए । कांग्रेस भएकै कारण जीवनभर जेलको चौघेरामै आफ्नाे सम्पूर्ण जीवन बिताए । कति नेपाली कांग्रेसका होनहार कार्यकर्ताहरुले क्रुर पञ्चायती ब्यवस्थाका हिमायतीहरुको बन्दूकको गोली खाए, कतिले आफ्नाे व्यक्तिगत स्वार्थका लागि पञ्चायत नामको बिष बृक्षसँगै मित लगाए ।
कांग्रेसको गैर जिम्मेवार निर्णयका कारण विश्वको एकमात्र हिन्दू राज्य हराएको छ । सनातन हिन्दू राष्ट्रसँगै सयौं बर्षदेखि नेपाल निर्माणमा सकृय भूमिका निर्वाह गर्ने राजसंस्था हराएको छ । नेपाली नेपाली बीचको एकता हराएको छ । नेपाली नेता हुँ भन्न रुचाउने क्रिश्चियनका पादरीहरुप्रति जनताको जनविश्वास हराएको छ । काठमाडौंमा बसेर सरकारी ढुकुटी रित्याउन पल्किएका अपराधी सोचका व्यक्तिहरुको बाहुल्यता बढेर गएको छ । ईमान्दार कार्यकर्ता अहिले आएर झनै ओझेलमा परेका छन् । नेपाली कांग्रेस सिध्याउन सकियो भने नेपालमा एकछत्र शासनसत्ता चलाउन सकिन्छ भन्ने कम्युनिष्टहरुको मनोबल बढेको छ ।
०४६ सालमा नेपाली कांगेसले देशमा प्रजातन्त्र प्राप्तिको आन्दोलनको शंखघोष गर्यो । पञ्चायतद्धारा पारितोषित प्राप्त गरेर कांग्रेस सिध्याउन खटाईएका संगठनहरुसमेत देशमा प्रजातन्त्र नामको ब्यवस्था ल्याउन सकियो भने आफैं सत्तामा पुगेर ब्रम्हलुट मच्चाउन सकिन्छ भनेर आन्दोलनमा सहभागी भए । पञ्चायतले नागरिक आन्दोदनको दवाव थेग्न सकेन ढल्यो । नेपाली कांग्रेसकै नेतृत्वमा देशमा अन्तरिम सरकार बन्यो । अन्तरिम सरकारले संबिधान बनायो, चुनाव गरायो । युगपुरुष माहामानव विश्वेश्वरप्रसाद कोईरालाको राजनीतिक सिद्धान्तका आधारमा यो देशमा नेपाली कांग्रेसले दुई दुई पटक स्पष्ट बहुमत पनि पायो ।
नेपाली कांग्रेसलाई भने मान्नु नै पर्छ, कहिले प्रजातन्त्रका सिद्धपुरुष सन्तनेता किसुनजीलाई हराएर भए पनि एकलौटी सरकार बनायो, कहिले तिनै किसुनजीलाई हतियार बनाएर फेरि पनि स्पष्ट बहुमत ल्यायो । २००७ सालदेखि प्रजातन्त्रका लागि अनवरत रुपमा संघर्ष गरेका तिनै त्यागी महापुरुषलाई रुवाएर घरको न घाटको बनायो । सर्वमान्य नेताको सम्मान पाएका वीर गणेशमान सिंहको समेत नराम्ररी मन दुखायो ।
कांग्रेस मात्र यस्तो राजनीतिक दल निस्कियो, जसले कहिले सूर्यबहादुर थापालाई प्रधानमन्त्री बनायो, कहिले लोकेन्द्र बहादुर चन्दलाई आफ्नो समर्थन जनायो । जे भएपनि त्यतिबेलासम्म यो देशमा नेपाली कांग्रेस भन्ने पार्टी थियो । जनताले अझै केही गर्छ कि ? भन्ने आशा गरेका थिए ।त्यही भएर त नेपाली कांग्रेसलाई नेपाली जनताले दुई-दुई पटक स्पष्ट सरकार चलाउने बहुमत दिए । तर अहिले यो देशमा नेपाली कांग्रेस पार्टी हराएको छ । पार्टी सँगै उसले अंगिकार गरेको प्रजातान्त्रिक समाजवादको सिद्धान्त हराएको छ ।
त्यही कांग्रसको गैरजिम्मेवार निर्णयका कारण विश्वको एकमात्र हिन्दूराज्य हराएको छ । सनातन हिन्दू राष्ट्रसँगै सयौं बर्षदेखि नेपाल निर्माणमा सकृय भूमिका निर्वाह गर्ने राजसंस्था हराएको छ । नेपाली नेपाली बीचको एकता हराएको छ । नेपाली नेता हुँ भन्न रुचाउने क्रिश्चियनका पादरीहरुप्रति जनताको जनविश्वास हराएको छ । काठमाडौंमा बसेर सरकारी ढुकुटी रित्याउन पल्किएका अपराधी सोचका व्यक्तिहरुको बाहुल्यता बढेर गएको छ ।
ईमान्दार कार्यकर्ता अहिले आएर झनै ओझेलमा परेका छन्। नेपाली कांग्रेस सिध्याउन सकियो भने नेपालमा एकछत्र शासनसत्ता चलाउन सकिन्छ भन्ने कम्युनिष्टहरुको मनोबल बढेको छ । यस्तो अवस्था देखेर नेपाली जनताको भने बिस्तारै नेपाली कांग्रेसप्रतिको विश्वासमा तुषारापात पर्दै गैरहेको छ ।
नेपाली कांग्रेसको यस्तो हविगतबाट माथि उठाउन फेरि सम्पूर्ण नेपाली कांग्रेसका नेता तथा कार्यकर्ताहरुले डा. शेखर कोईरालालाई पार्टीको सभापति बनाउनु परेको छ । खस्किएको नेपाली कांग्रेसको शाख जोगाउँदै नेपाली कांग्रेसलाई पुर्नस्थापित गराउन साहस, आँट र हिम्मत गर्नु परेको छ । जागौ, उठौं ! सबै नेपाली कांग्रेसका पूर्व मेचीदेखि पश्चिम माहाकालीसम्मका नेता तथा कार्यकर्ताहरुको एउटै आवाज, एउटै बोली बनाऔं । जय नेपालको नारा लगाउँदै डा. शेखर कोईरालालाई पार्टीको सभापति बनाऔं ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थप‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
लोकरिझ्याईं राजनीतिको ‘महाजात्रा’मा हरिवंश आचार्य
बैशाख ५, २०८१ बुधबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार