महानगरको आदेश फेरि पनि अवज्ञा, खुलामञ्चमा निर्वाध रुपमा निःशुल्क भोजन

२ मंसिर, काठमाडौं । तिहारपछि खुलामञ्चमा भीडभाड गरेर खाना खान नदिने काठमाडौं महानगरपालिकाको आदेश फेरि पनि अवज्ञा भएको छ । विभिन्न अभियान्ताहरुसँगको छलफलमा यसअघि महानगरले तिहारपछि खुलामञ्चमा निःशुल्क खाना खान नदिने बताएका थिए ।

खाना खुवाउन उचित ठाउँको व्यवस्था गर्न नसकिएपछि खुलामञ्चमा निःशुल्क भोज बाँडिएको हो । आफूहरुले प्याकेटमा खाना वितरण गर्न खोजे पनि मानिसहरु खुलामञ्चमा नै लामबद्ध भएपछि पुरानै तरिकाले खाना वितरण गरिएको उनको भनाई छ ।

खाना खान खुलामञ्च आउनेहरुले एक्कासी खाना वितरण रोक्न आफूहरु समस्यामा पर्ने बताए । उनीहरुले कि काम दिनुपर्ने कि खाना दिनुपर्ने धारणा राखे । सडकमा बसेर खाना खान आफूहरुको रहर नभएको पनि उनीहरुले बताए ।

खुलामञ्चमा खाना खुवाउँदा स्वस्थ वातावरण नहुने, संक्रमण फैलिने डर हुने र सहरको सौन्दर्य पनि नहुने भनी काठमाडौं महानगरपालिकाले खाना खुवाउने संस्थाहरुसँग पार्टी प्यालेसजस्तो बन्द ठाउँमा खाना खुवाउन सहमति गरेको थियो । तर विकल्प बिना आदेश मात्रै दिने महानगरका थुप्रै घोषणा घोषणमै सिमित भएका छन् ।