बालुवाटारमा मन्त्रिपरिषद बैठक, सचिवालयका लागि ढोका बन्द !

३ मंसिर, काठमाडौं । बालुवाटारमा मन्त्रिपरिषद बैठक बोलाइएको छ । दिउँसो १ बजे बालुवाटारमा मन्त्रिपरिषद बैठक बोलाइएको प्रधानमन्त्री केपी शर्मा ओलीको सचिवालयले जनाएको छ । सचिवालय बैठक बस्ने बेलामा मन्त्रिपरिषद बैठक बोलाइएपछि नेकपामा अर्को तरंग उत्पन्न भएको हो ।

बालुवाटारमा मन्त्रिपरिषद बैठक बोलाएपछि सचिवालय कहाँ बस्ने ? भन्ने अन्यौल छ । मन्त्रिपरिषद बैठक बसेकै ठाउँमा सचिवालय बैठक समेत बस्ने गरेको छ । तर यसपटक मन्त्रिपरिषद बैठक हुने भएपछि सचिवालय बैठकका लागि बालुवाटारको ढोका बन्द भएको संकेत प्रधानमन्त्री ओलीले दिएका छन् ।

यसले नेकपाभित्रको आन्तरिक किचलो झन् उत्कर्षमा पुगेको छ ।