प्रधानमन्त्री ओली बालुवाटार फर्किए

३ मंसिर, काठमाडौं । प्रधानमन्त्री केपी ओली राष्ट्रपति विद्यादेवी भण्डारीसँग भेट गरी अहिले सरकारी निवास बालुवाटार फर्केका छन् । राष्ट्रपतिसँगको भेटमा उनले अर्का अध्यक्ष पुष्पकमल दाहाल ‘प्रचण्ड’लाई आजको बैठकमा विगतको प्रस्ताव उपर छलफल नगर्ने गरी सम्झाई दिन आग्रह गरेका थिए ।

सोही बमोजिम राष्ट्रपतिले प्रचण्डलाई शीतल निवास बोलाएको स्रोतको भनाई छ । अहिले प्रचण्ड पनि शीतल निवासतिर लागेका छन् । सायद यही विषयमा राष्ट्रपतिले कुरा गर्ने होला भन्दै स्रोतले आज सचिवालय बैठक राखेर दुबै पक्षलाई विन–विन पोजिसनको फिल गराउने तयारी भएको बतायो ।

तर यो सबै टालटुले पारा मात्रै हो, ओलीले दुुईचार दिन टाइम बाई लर्गान् तर उनले अब दुईमध्ये एक पद नत्यागेसम्म मिल्ने स्थिति छैन । बरु दल विभाजनको अध्यादेश ल्याए त्यसको सामना गर्ने पक्षमा प्रचण्ड र माधव नेपाल रहेको पनि स्रोत बताउँछ ।

पहिला १ बजे नेकपाकाे सचिवालय बैठक बस्छ, त्यहाँ हुने छलफलको ग्यारेण्टी ओली र प्रचण्डले मात्रै लिने कुरा भएन, अरु सदस्यले कसरी आफ्ना कुरा राख्नुहोला त्यो त त्यहीं गएपछि मात्रै थाहा होला भन्दै स्रोतले तर ओलीका लागि अब सहज भने नरहेको अनुमान गरेको छ ।