१२ लाख मूल्यको अवैध सामानसहित व्यापारी प्रहरी नियन्त्रणमा

धीरुभाइ

४, मंसिर सप्तरी । भारतीय बजारबाट एकैदिन अबैध रुपमा भित्रियाउँदै गरेको करिब १२ लाख मूल्य बराबरको मालसमानसहित एक जना व्यापारीलाई सप्तरी प्रहरीले पक्राउ गरेको छ ।

प्रहरीले पक्राउ गरेको व्यापारीसहित मालसमान आवश्यक कारबाहीको लागि राजविराज भन्सार कार्यालय तिलाठी बेलहीमा राखिएको छ । जिल्लाको हनुमाननगर कंकालीनी नगरपालिका ११ स्थित कोशी पश्चिमी तटबन्ध सडक खण्डबाट प्रदेश ०१–०४–०००१ ह ००७३ नम्बरको ओटो (रिक्सा)लाई अबैध मालसमानसहित पक्राउ गरी कारबाही गरिएको प्रहरी नायब उपरीक्षक भूवनेश्वरप्रसाद साहले जानकारी दिए ।

गोप्य सूचनाको आधारमा खटिएको प्रहरी टोलीले चेक जाँचको क्रममा बुधबार टेम्पो र मालसमानसहित टेम्पो चालक हनुमाननगर कंकालीनी नगरपालिका वडा नम्बर ११ बस्ने वर्ष २० को सेवाज खंग र महोत्तरी जिल्ला गौशाला नगरपालिका–२ बस्ने बर्ष ३६ को सामान धनी (साहुं) सन्तोषकुमार साहलाई पक्राउ गरिएको उनले बताए ।

प्रहरीले समान धनी र टेम्पो चालकलाई आवश्यक कारबाहीको लागि राजविराज भंसार कार्यालय बेलही (तिलाठी)लाई बुझाइएको छ । टेम्पोसहित समानको अन्दाजी मूल्य तीन लाख आठ हजार ६८० रुपियाँ रहेको जिल्ला प्रहरी कार्यालय सप्तरीका प्रवक्ता प्रनाउ साहले जानकारी दिए ।

त्यसैगरी हनुमाननगर कंकालीनी नगरपालिकाकै वडा नम्बर १४ स्थित सप्तकोशी नदीमा डुङ्गामा भारतबाट अबैध रुपमा भंसार छलेर चुराका सेटहरु ल्याउँदै गरेको अवस्थामा जिल्ला प्रहरी कार्यालयबाट खटिएको प्रहरी टोलीले पक्राउ गरेको छ । करिब नौ लाख मूल्य बराबरको चुरा सेटहरु बरामद पश्चात आवश्यक कारवाहीका लागि भन्सारमा बुझाइएको प्रनाउ साहले बताए ।

सप्तकोसी नदीमा डुङ्गाबाट प्रहरीले आठ लाख ९३ हजार मूल्य बराबरको सप्तरंगी कागज, झल्री कागज ३२ बण्डल, ¥यापिङ पेपर पाँच बण्डल, खम्बा फुल (रु. एक लाख), बाला चुरा सेट, बाला सेट चुरा १७२ दर्जन (रु. पाँच लाख ) र एक थान डुङ्गा (डेढ लाख) पक्राउ गरी भन्सारमा बुझाएको छ ।