काबुलमा रकेट आक्रमणमा परी आठको मृत्यु, ३१ जना घाइते

७ मंसिर, एजेन्सी । अफगानिस्तानको राजधानी काबुलमा भएको रकेट आक्रमणमा आठ जनाको मृत्यु भएको छ ।आतंककारी समूहले शनिबार करिब २३ राउण्ड रकेट आक्रमण गरेकाे बीबीसी जनाएकाे छ ।

बीबीसीका अनुसार आक्रमणबाट आठको मृत्यु भएको र अन्य ३१ जना घाइते भएका छन् । अफगानी गृह प्रशासनले आक्रमणमा तालिवान समूहको संलग्नता रहेको आरोप लगाएको छ ।

गृहमन्त्रालयका प्रवक्ता तारिक एरियानले आक्रमण तालिवान समूहले गराएको सूचना सरकारले पाएको बताउँदै घाइते सबैलाई सरकारले उपचारको व्यवस्था गर्ने बताए ।