बरु सरकार फेरिएला, तर पार्टी फुट्दैन : भीम रावल

७ मंसिर, काठमाडौं । सत्तारूढ नेपाल कम्युनिष्ट पार्टीका स्थायी कमिटी सदस्य भीम रावलले सरकार परिवर्तन हुन सक्ने भएपनि पार्टी तत्काल नफुट्ने दाबी गरेका छन् । आइतबार नेकपाको प्रदेश कार्यालय धनगढीमा पत्रकारहरूसँग कुरा गर्दै नेता रावलले पार्टी नफुट्ने दाबी गरेका हुन् ।

नेकपा कमजोर आधारमा बनेको पार्टी नभएको दाबी गर्दै उनले पार्टी विभाजन हुन सैद्धान्तिक विषय, महत्वपूर्ण राष्ट्रिय विषय नै नभएको पनि जिकिर गरे । प्रधानमन्त्रीले पार्टी फुटाउन खोजेको शंका गर्ने आधार नभएको पनि रावलको तर्क छ ।