मुकेश चौरसियाको हत्यामा संलग्न मुख्य आरोपी पक्राउ

८ मंसिर, पर्सा । पर्सा प्रहरीले जिल्लाकाे विन्दवासिनी गाउँपालिकाका नेकपा पार्टी कमिटी सचिव मुकेश चौरसियाको हत्यामा संलग्न मुख्य आरोपीलाई पक्राउ गरेको छ। चौरसिया हत्याका मुख्य आरोपी विन्दवासिनी गाउँपालिका ३ का ३८ वर्षीय अशेसरप्रसाद चौरसिया पक्राउ परेका हुन्।

उनलाई प्रहरीले आइतबार वीरगन्ज २५ अलौ सिर्सियाबाट पक्राउ गरेको पर्साका एसपी गंगा पन्तले जानकारी दिइन्। गत कार्तिक ६ गते नेता चौरसियाको हत्या भएको थियो। हत्या गत्तै अशेरप्रसाद फरार थिए।

विन्दवासिनी ५ मा पार्टीको सपथग्रहणका क्रममा दुई समूहबीच विवाद हुँदा चौरसियाको टाउकोमा बाँसले प्रहार गरी हत्या गरिएको थियो। उक्त घटनाका अन्य दुई आरोपीलाई प्रहरीले यसअघि पक्राउ गरिसकेको छ।