प्रचण्ड र चिनियाँ राजदूतबीच भेटवार्ता, ओलीका गतिविधिबारे छलफल

८ मंसिर, काठमाडौं । नेकपाका अध्यक्ष प्रचण्ड र चिनियाँ राजदूत होउ यान्छीबीच भेटवार्ता भएको छ । खुमलटारमा भएको भेटमा प्रधानमन्त्री केपी शर्मा ओलीले पछिल्लो समय सत्ता समीकरणबारे कांग्रेस सभापति शेरबहादुर देउवासँग गरेको भेटवार्ता र सम्भावित सत्ता समीकरणबारे छलफल भएको बताइएको छ ।

अत्यन्तै गोप्य भनिएको भेटमा नेकपालाई फूटबाट जोगाउने विषयमा यान्छी र प्रचण्डबीच महत्वपूर्ण भेटवार्ता भएको भनिएको छ । पछिल्लो समय नेकपाका शीर्ष नेताहरुसँग सजिलै भेट्ने राजदूत यान्छीले दुई अध्यक्षको पुल बनेर नेकपालाई फुटबाट जोगाईरहेकी छिन् । जुन नेपाली राजनीतिमा विदेशीको नांगो हस्तक्षेप भएको भन्दै आलोचना हुने गरेको छ ।