मानसिक सन्तुलन ठीक नभएका जीवनले गरे हजुरआमाको हत्या

८ मंसिर, दाङ । दाङमा एक जना युवाले आफ्नै हजुर आमाको हत्या गरेका छन् । गढवा गाउँपालिका–१ चिसापानीमा २८ बर्षीय युवा जीवन घर्तीले ८४ वर्षीया केशरी घर्तीको चिर्पटले हानेर हत्या गरेका हुन् ।

मानसिक सन्तुलन ठिक नभएका जीवनले सुतिरहेको अवस्थामा घरका सबै सदस्यमाथि दाउराको चिर्पट प्रहार गरेका थिए। चिर्पट लागेर गम्भीर घाइते भएकी केशरीको उपचारका क्रममा मृत्यु भएको हो ।

कुटपटिबाट घाइते भएका जीवनका दाजु, श्रीमती, छोरा र छोरीको पनि उपचार भइरहेको छ ।