कोभिड संक्रमित पत्रकार केसीलाइ विमा वापतको एक लाख रुपैया हस्तान्तरण

८ मंसिर, काठमाडौं ।  मिसन मिडिया क्लवले आज एक सामान्य कार्यक्रमकाबीच पत्रकार महासंघ काठमाडौंका कोभिड संक्रमित पत्रकार संजय केसीलाइ कोभिड विमाको रू एकलाख रुपैया हस्तान्तरण गरेको छ ।

कोभिड–१९ को सङ्क्रमणको बढ्दो जोखिमका वीच पनि अविराम आफ्नो कर्म क्षेत्रमा क्रियाशील नेपाल पत्रकार महासंघ उपत्यका प्रदेश समितिअन्र्तगत काठमाडौं, भक्तपुर र ललितपुरका ११९ पत्रकारको सुरक्षाको लागि क्लवको तर्फबाट पत्रकार कोभिड बीमा’ गरिएको थियो ।

नेपाल पत्रकार महासंघ उपत्यका प्रदेश समितिका महासचिव समेत रहेका कल्वका अध्यक्ष श्रीजन झाले आज प्रदेश समितिको कार्यकक्षमा पत्रकार केसीलाइ बीमा कम्पनी सगरमाथा इन्स्योरेन्सबाट प्राप्त विमा रकम रू १ लाखको चेक हस्तान्तरण गरेका हुन् ।

त्यसअवसरमा महासंघ काठमाडौं शाखाका उपाध्यक्ष सूर्य सुवेदी, ललितपुर शाखाका कोषाध्यक्ष रामहरी कार्की र कान्तिपुर हटलाइनका फोटो पत्रकारहरुको उपस्थित रहेको थियो ।

यसअघि कोभिड संक्रमित पत्रकार विदुर थापालाइ कोभिड विमाको रू एकलाख रुपैया हस्तान्तरण गरिसकेको छ । बाँकी एकदर्जन भन्दा पत्रकारको विमा रकम प्राप्तिको अन्तिम चरणगत प्रक्रिया बाँकी रहेको महासचिव झाले जानकारी दिए ।