महोत्तरीमा किराना पसलेद्धारा ६ बर्षीया बालिकाको बलात्कारपछि हत्या !

९ मंसिर, जनकपुर । महोत्तरीमा ६ बर्षीया बालिकाको हत्या भएको छ । बर्दिबास नगरपालिका घर भएका शहिद आलमकी ६ वर्षीया छोरी गुलाब साह खातुनको हत्या भएको हो । उनको बलात्कारपछि हत्या भएको आशंका गरिएको छ ।

बालिकाको हत्या गरेर बोरामा फ्याँकिएको अवस्थामा राति १ बजेतिर शव फेला परेको इलाका प्रहरी कार्यालय बर्दिवासका प्रमुख डिएसपी राजन चापागाईंले बताए ।

बालिका चक्लेट किन्नका लागि नजिकैको पसल गएकी थिइन् । गौशाला नगरपालिका ५ घर भई बर्दिवासमा किराना पसल सन्चालन गर्दै आएका अरुण कुमार साहको पसलमा चक्लेट किन्न गएकी उनी बेपत्ता भएकी थिइन् ।

बेपत्ता बालिकालाई हत्या गरेको स्वीकार गरेका शाहले बलात्कार गरेकोबारे खुलाएका छैनन् । यसबारेमा प्रहरीले थप अनुसन्धान शुरु गरेको छ । बालिका हत्याको विरोधमा स्थानीयले पूर्व पश्चिम राजमार्गमा टायर बालेर विरोध प्रदर्शन गरेका छन् ।