मेस्सीलाई अब बार्सिलोनामा ठाउँ छैन !

९ मंसिर, एजेन्सी । च्याम्पियन्स लिगको खेलमा बार्सिलोनाले लियोनल मेस्सीलाई टीमबाहिर राखेपछि यसको विभिन्न रुपमा चर्चा शुरु भएको छ । बार्सिलोनामा निकै असन्तुष्ट रहेका मेस्सीले क्लब छाड्ने तयारी गरेका छन् ।

क्लब छाड्ने घोषणा गरिसकेका मेस्सीले पछिल्ला अभिव्यक्ति क्लबविरुद्ध दिइरहदा उनलाई पहिलोपटक च्याम्पियन्स लिगको खेलमा टिममै राखिएको छैन् । डाइनामो किभविरुद्ध उनी टिममा नपरेपछि अब बार्सिलोनाले उनलाई क्लबमा कुनै स्थान नरहेको स्पष्ट संकेत दिएको छ । अब मेस्सी जनवरीमै क्लब छाड्छन वा यो सिजन सकिएपछि मात्रै ? यो निर्णय उनकै हातमा छ ।

पछिल्लो समय बार्सिलोनाका अध्यक्षदेखि ला लिगाका प्रमुखले समेत मेस्सीले क्लब छाड्दा कुनै फरक नपर्ने बताएका छन् । यसअघि रोनाल्डो र नेयमारले समेत क्लब छाड्दा कुनै समस्या नभएको उनको ठम्याई छ ।