अष्ट्रेलियाको मेलवर्नबाट नेपाली युवा बेपत्ता

९ मंसिर, एजेन्सी । अष्ट्रेलियाको मेलवर्नबाट दुई सातादेखि एक जना युवा बेपत्ता भएका छन् । आकाश श्रेष्ठ नाम गरेका युवा बेपत्ता भएका हुन् । भिक्टोरिया प्रहरीले १९ नोभेम्बरमा प्रेस विज्ञप्ति जारी गर्दै २७ वर्षिय श्रेष्ठ १३ नोभेम्बर शुक्रबारदेखि हराइरहेका जानकारी दिएको छ।

आकाशले अन्तिम पटक शुक्रबार साँझ मेसेज मार्फत परिवारसँग सम्पर्क गरेका थिए। मेसेजमा आकाशले त्यही साँझ घरमा फर्कने बताएका थिए।

दुई साता बित्नै लाग्दा पनि आकाश परिवारको सम्पर्कमा नआएपछि प्रहरीले खोजी कार्य सुरु गरेको हो। प्रहरीले आकाशको खोजी गरिदिन सबै समुदायसँग सहयोग मागेको छ।

प्रहरीले आकाशलाई कतै देखेमा नजिकको प्रहरी कार्यालय वा इष्ट मेलवर्न प्रहरी कार्यलयमा सम्पर्क गर्न आग्रह गरेको छ। प्रहरीले आकासको पृष्ठभूमि र व्यक्तिगत विवरण खुलाउन नसकिने जनाएको छ।