नेपालकी १८ बर्षीया सपना बनिन् विश्वकै प्रभावशाली महिला

९ मंसिर, काठमाडौं । नेपालमा १८ बर्षीया युवती सपना रोका मगर विश्वकै प्रभावशाली महिला बनेकी छिन् । बेवारिसे शव व्यवस्थापन गर्दै आएकी म्याग्दीकी सपना बीबीसीको प्रभावशाली महिलाको सूचीमा परेकी हुन् ।

बीबीसीले मंगलबार सन् २०२० को १०० प्रभावशाली महिलाको सूची सार्वजनिक गरेको हो । यो सूचीमा फिनल्याण्डकी प्रधानमन्त्री, अक्सफोर्ड विश्वविश्वद्यालयले बनाइरहेको नोवेल कोरोना भाइरस कोभिड–१९ विरुद्धको भ्याक्सिनको नेतृत्व गरेकी सारा गिल्बर्ट लगायत छन् ।

सोही सूचीमा सपना परेकी हुनु । यसअघि यो सूचीमा नेपालबाट दलित तथा सीमान्तृक समुदायकी उमादेवी वादी परेकी थिइन् । खासगरी लकडाउनका बेला समस्यामा परेका बेवारिसे शव जलाउने काम सपनाले गरेकी थिइन् ।

अहिले उनी खुलामञ्चमा असहाय र गरीबलाई निःशुल्क खाना पनि खुवाउँदै आएकी छिन् ।