नेपाल–भारत सीमानाका अबिलम्ब खुलाउन मन्त्री साहको माग
नेपालबहस संवाददाता
मंसिर ९, २०७७ मंगलबार २३:३२:०
◊ धीरुभाइ
९ मंसिर, सप्तरी । लामो समयदेखि नेपाल–भारत सीमाना बन्दले तराई मधेशको समाजमा प्रतिकूल प्रभाव परिरहेकोले अबिलम्ब खुलाउन प्रदेश २ का भूमी व्यवस्था, कृषि तथा सहकारी मन्त्री शैलेन्द्रप्रसाद साहले माग गरे । समाजसेवी डिभिजनल इन्जिनियर मिश्रीलाल तथा लाखोदेवी साहको ११ स्मृति समारोहलाई मंगलबार सम्बोधन गर्दै उनले सो माग गरे ।
कोरोना भाइरस संक्रमण न्यूनिकरण तथा रोकथामको लागि सरकारले अन्तराष्र्टि«य सीमानाका बन्द गर्ने क्रममा नेपाल–भारत सीमानाका पनि बन्द गरिएको जानकारीसाथ उनले भने, विगत भन्दा अहिले परिस्थिति निकै सहज भएको छ । सीमानाकामा आवतजावत खुल्ला गर्नु पर्दछ । सरकार मधेशी जनताप्रति सम्बेदनशील नभएका कारण अहिलेसम्म सीमानाका खोल्न नचाही रहेको उनले बताए ।
साह सेवा सदन सप्तरीले आयोजना गरिएको स्मृति समारोहमा मन्त्री साहले तराई मधेशका निकट छिमेकी भारतसँग खुल्ला आवतजावत बन्द भएका कारण तस्करी, महँगी बढेको बताए । चोर बाटो प्रयोग गरेर भारत छिरेर तस्करी भइरहेको जानकारी आएको मन्त्री साहले नेपाल–भारतसँग रोटीबेटीको सम्बन्ध रहेको बताउँदै उहाँले यस अवधिमा वारिपारीको पारिवारिक सम्बन्ध, सामाजिकिकरण, समेत बन्द भएकोले अविलम्ब सीमानाका खुलाउन संघीय सरकारसँग माग गरे ।
सदनका अध्यक्ष दुर्गाप्रसाद साहको अध्यक्षतामा आयोजित समारोहमा मन्त्री साहले समाजमा योगदान दिएका व्यक्तित्वको समाज रहुनजेलसम्म समाजले कदर, सम्मान गर्दै आएको बताए । पारिवारिक, सामाजिक, पेशागत, विभिन्न जातजाती, धार्मिक लगायत सबै क्षेत्रमा स्वर्गीय दम्पतिको योगदान रहेको उल्लेख गर्दै मन्त्री साहले यसै कारण उनीहरुको योगदानको कदर सम्मानका लागि प्रत्येक वर्ष सम्झिदै आएको बताए ।
सो कार्यक्रममा प्रदेश २ का सभा सदस्य नेत्रबिक्रम साह, स्वर्गीय दम्पतिका जेष्ठ सुपुत्र रामसुन्दर साह, माहिल सुपुत्र बीरेन्द्र साह, नेपाल पत्रकार महासंघ सप्तरीका पूर्व अध्यक्ष धीरेन्द्रप्रसाद साह, तेली कल्याण समाज सप्तरीका अध्यक्ष रामचन्द् साह, केन्द्रिय सदस्य उम्मदेश्वरप्रसाद साह, शिक्षक तथा कर्मचारी मिलन केन्द्रका अध्यक्ष धर्मदेव साह, साह युवा समितिका अध्यक्ष रामअधिन साह, महिला संघका अध्यक्ष प्रमिला साह, हिन्दु परिषदका जिल्ला अध्यक्ष रामकिशुन साह लगायतले समाजसेवी दम्पतिले काठमाडाैं स्थित धर्मशाला निर्माण, राजविराज स्थित साह सेवा सदन निर्माण, अन्य मठ मन्दिर, गरिव परिवारको विवाह, सामाजिक लगायतका कार्यहरुमा व्यापक योगदान रहेको चर्चा गरे ।
सोही कार्यक्रममा दम्पतिको स्मृति दिवसको अवसरमा प्रत्येक वर्ष उहाँका छोराहरुले एक जना अशक्त (पूर्ण अपाङ्गता) व्यक्तिलाई छ हजार पाँच सय पाँच नगद, सम्मानपत्रले सम्मान गर्दै आएको छ । यस वर्ष सो सम्मान बलान बिहुल गाउँपालिका वार्ड नम्बर ३ शोसिलकुमार साहलाई प्रदान गरिएको छ । बि.स. २०६६ मंसिर ९ गते बाराको गढीमाई मेला भर्न जाने क्रममा सवारी दुर्घटनामा परी साह दम्पतिको निधन भएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदेशमा अर्को उथलपुथल हुनेवाला छः प्रधानमन्त्री प्रचण्ड
चैत १५, २०८० बिहिबार
राष्ट्रिय सभाकी उपाध्यक्ष अर्यालले बुझाइन राजीनामा
चैत १५, २०८० बिहिबार
राप्रपाले इलाममा लक्ष्मी गुरूङलाई बनायो उम्मेदवार
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
‘बिराट गोल्ड कप फुटबल’ काे मुख्य प्रायोजनमा एनआईसी एशिया बैंक
चैत १५, २०८० बिहिबार
स्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
कोशी प्रदेशले आगलागी पीडित सन्थाल समुदायका लागि स्थायी घर निर्माणमा पहल गर्ने
चैत १५, २०८० बिहिबार
सादा पोशाकमा प्रहरी परिचालन नगर्न हेडक्वार्टरको पत्र
चैत १५, २०८० बिहिबार
नेपालमा बस्छन ६० देशका अवैतानिक वाणिज्यदूत
चैत १५, २०८० बिहिबार