एक हजार डलरमा गरे ८ वर्षका बालकले ६१ वर्षकी महिलासँग विवाह

१० मंसिर, काठमाडौं । कहिलेकाही विश्वमा धेरै अनौठा घटनाहरु भइरहेका हुन्छन् । जून अनौठा र पत्याउनै गाह्रो हुने जस्तो लाग्छ । तेसो विश्वमा धेरै जाति र समुदायका मानिसहरु बस्छन् । उनीहरुको आफ्नै रीति रिवाज र परम्परा हुन्छन् ।

तपाईलाई अचम्म लाग्ला ! दक्षिण अफ्रिकामा एक अनौठो विवाह भएको छ । ८ वर्षका एक बालकले ६१ वर्षकी महिलासँग विवाह गरेका छन् ।६१ वर्षकी शाबानगुले ८ वर्षका सानेले मैसिलेलासँग विवाह गरेकी हुन् । यो विवाह परम्परागत तरिकाले सम्पन्न गरिएको छ । शाबानगु र मैसिलेला हेर्दा हजुरआमा र नाति जस्तै देखिन्छन् ।

अफ्रिकाको श्वानमा सम्पन्न यस विवाहमा एक हजार डलर खर्च भएको बताइएको छ । खासमा मैसिलेलाको हजुरबुवाको अन्तिम इच्छा पुरा गर्नको लागि मृत्यु अघि यसो गरिएको हो ।

मृत्यु भन्दा पहिला नातिको दुलही हेर्ने इच्छा पुरा गर्न एक सय जना पाहुनाको अगाडी विवाह गरिएको बताइएको छ । नाति मैसिलेलाको विवाह नगरेमा हजुरआमाले परिवारमा नराम्रो हुने भनेकाले सो विवाह गरिएको उनकी आमाले बताएकी छिन् । त्यसैले सो विवाह परम्परामा मात्र भएको थियो ।