शरीरमा पाँच गोली लागेपनि मान्छे जीवितै !

११ मंसिर, नेपालगञ्ज । दाङमा पाँच वटा गोली लागेर गम्भिर घाइते भएको अवस्थामा एक पुरुष फेला परेका छन् । तुलसीपुर उपमहानगरपालिका वडा नम्बर १३ बराहाखुटीका ४५ वर्षीय खुसलराम पौडेल गोली लागेर गम्भीर घाइते भएको अवस्थामा फेला परेका प्रहरीले जनाएको हो ।

पौडेलको ढाडमा ३ वटा र दाहिने खुट्टाको तीघ्रामा थप २ वटा गोली लागेको इलाका प्रहरी कार्यालय तुलसीपुरका प्रहरी नायब उपरीक्षक शिवबहादुर सिंहले जानकारी दिए ।

बुधबार राति साढे ९ बजे पूर्वपश्चिम राजमार्ग अन्तर्गत दाङ लमही नगरपालिका वडा नम्बर ९ च्याउ खोलामा गोली लागेको अवस्थामा फेला परेको उनको बाँकेको नेपालगञ्ज नरसिंह होममा उपचार भइरहकेको छ।

उनलाई कसले र किन गोली हानेको हो ? भन्ने खुलेको छैन् ।