कस्तो छ, तपाईको आजको राशीफल ?

वि.सं. २०७७ साल मंसिर १३ गते । शनिबार । ई.स.२०२० नोभेम्बर २८ तारिक । शकसंवत् १९४२ । प्रमादी संवत्सर । दक्षिणायन । हेमन्त ऋतु । नेपाल संवत् ११४१ । कार्तिक शुक्लपक्ष । तिथी– त्रयोदशी,१० बजेर ३२ मिनेट उप्रान्त चतुर्दशी । नक्षत्र–भरुणी,२८ बजेर १० मिनेट उप्रान्त कृतिका । योग–वरियान,११ बजेर ११ मिनेट उप्रान्त परिध । करण–तैतिल,१० बजेर ३२ मिनेट उप्रान्त गर,२३ बजेर ३७ मिनेट उप्रान्त वणिज । आनन्दादिमा–ध्वांक्ष योग । चन्द्रराशि–मेष । काठमाडौंमा सूर्योदय बिहान ०६ बजेर ३६ मिनेटमा, सूर्यास्त १७ बजेर ०६ मिनेटमा । दिनमान २६ घडी १६ पला । विष्णु–वैकुण्ठ चतुर्दशी ।

मेष:- (‘चू,चे,चो,ला,लि,लू,ले,लो,अ’)

प्रेम तथा मित्रताको बन्धन कसिलो भएर जाने तथा दाम्पत्य जीवन सुखी रहनेछ । पढाई लेखाईमा प्रतिस्पर्धीहरुलाई हराउँदै अगाडि बढ्न सकिनेछ । बिभिन्न अवसरले पछ्याउनेछन् भने चाहेको समयमा कामहरु सम्पन्न हुने हुँदा आफन्तहरु खुशी हुनेछन् । सुन्दर तथा बिलासी वस्तुहरुको प्रयोगमार्फत अरुको मन आफुतिर लोभ्याउन सकिनेछ । उत्तम बस्त्र, मनपर्ने भोजन तथा बिशेष उपाहार प्राप्तिको योग रहेको छ ।

बृष:- (‘ई,ऊ,ए,ओ,वा,वी,वू,वे,वो’)

प्रशासन तथा राज्य पक्षसँग सम्बन्धित काम गर्दा ध्यान दिनुहोला ।  समय मध्यम रहेकोले समयमा काम नबन्ने तथा बिभिन्न अवसरबाट बञ्चित हुने योग रहेको छ । गलत काम तथा क्रियाकलापलाई प्रश्रय दिनाले ईज्जत तथा प्रतिष्ठामा दाग लाग्न सक्छ । पढाई लेखाईमा मन नजादा अरुभन्दा पछि परिनेछ । मायाप्रेममा धोका हुनेछ भने जीवन साथीसँग अनावश्यक विवाद हुनसक्छ, ध्यान दिनुहोला ।

मिथुन:- (‘का,की,कू,घ,ङ,छ,के,को,हा’)

व्यापार व्यवसायमा लगानी गरे पनि आम्दानी कम हुनेछ । नयाँ ठाउँबाट लगानीको प्रस्ताव आएपनि केही समय कुर्नु नै पर्नेछ । ईच्छा आकाक्षाहरु पुरा गर्नको लागि बढी नै समय खर्चनु पर्ने हुनसक्छ । दाजुभाईसँग मनमुटाव सिर्जना हुने योग रहेको छ । सामान्य स्वास्थ्यमा समस्या आई रुपैयाँ पैसा खर्च हुनेछ । मायाप्रेममा सामान्य मनमुटाव सिर्जना हुनेछ भने आत्मिय मित्र तथा आफन्तसँग घरायसी कुरामा राय बाजिनेछ ।

कर्कट:- (‘ही,हू,हे,हो,डा,डी,डु,डे,डो’)

पछि लाभहुने कामको थालनी गर्न सकिनेछ । शरीरमा घाउ, खटिरा तथा चोटपटकको भए रहनेछ । आफन्तसँगको लेनदेन कारोबारले शत्रुता बढ्नेछ । मायाप्रेममा सामान्य मनमुटाव बढ्ने तथा श्रीमान श्रीमती बीचको सम्बन्धमा उतार चढाब बढ्नेछ । बुवा आमाको स्वास्थ्य बिग्रनाले खर्च बढ्नेछ । समाजसेवा तथा राजनीतिमा जनताको साथ नपाईने हुँदा पद प्राप्तिको योग टरेर जानेछ ।

सिंह:- (‘मा,मी,मू,मे,मो,टा,टी,टू,टे’)

समयले साथ दिने हुँदा सानो प्रयत्नले राम्रा तथा परिणाममुखी काम गर्न सकिनेछ । धर्म तथा धर्म बिस्तारको लागि समय दिनु पर्नेछ भने संस्कार परिवर्तनमा तपाईको भुमिका महत्वपूर्ण हुनेछ । लामो दुरीको धार्मिक तथा शैक्षिक यात्राको प्रशस्त सम्भावना रहेको छ । प्रशासनिक क्षेत्रमा तपाईको उच्चस्तरको सहभागिता रहनेछ । प्रेममा रमाउन चाहनेहरुका लागि समयले साथ दिनेछ ।

कन्या:- (‘टो,पा,पी,पू,ष,ण,ठ,पे,पो’)

नसोचेको धन तथा सम्पत्ति हात लागि हुनेछ भने चिट्ठा प्राप्तिको गतिलो योग रहेको छ । आफन्त तथा दिदीबहिनीबाट सहयोग तथा समर्थन पाईनेछ । शुभचिन्तकको सुझावलाई शिरोधार्य गर्दै अगाडि बढ्न सके फाईदा हुनेछ । माया प्रेममा नजिक भई आफ्ना कुराहरु राख्न सकिनेछ । प्रयत्न गर्दा पदीय जिम्मेवारी प्राप्त हुनेछ । व्यवसायिक यात्राको तय गर्न सकिनेछ भने कर्म फल प्राप्त हुनाले मन प्रशन्न हुनेछ ।

तुला:- (‘रा,री,रु,रे,रो,ता,ती,तू,ते’)

व्यापार व्यवसायमा लगानी गर्न सकिने भए पनि आम्दानी गर्न केही समय कुर्नु नै पर्नेछ । पढाई लेखाईमा प्रतिपर्धीहरुको अवरोधले पछि परिनेछ । आफन्त तथा जीवनसाथीसँग मनमुटाव सिर्जना हुने सम्भावना रहेको छ, ध्यान दिनुहोला । मायाप्रेममा मनमुटाव सिर्जना हुने तथा अग्रजसँग राय बाजिनेछ । सोख तथा बिलासिताले खर्च बढाउनेछ भने आम्दानी कम हुनेछ । असम्यम् व्यवहारले समस्या निम्त्याउन सक्छ, ध्यान दिनुहोला । आलश्य तथा अस्वस्थताले लक्ष्यमा बिलम्ब हुनेछ ।

बृश्चिक:- (‘तो,ना,नी,नू,ने,नो,या,यी,यू’)

कुनैपनि कामलाई पुन गर्नु पर्दा मानसिक तनाब बढ्नेछ । पुराना रोगहरु फेरि बल्झन सक्छ, ध्यान दिनुहोला । रकम लगानी गर्नको लागि केहि समय पर्खनु नै उचित रहेको छ । व्यापार व्यवसायमा भनेजस्तो आम्दानी नहुँदा आर्थिक अवस्था खस्कने छ । प्रेममा एकअर्कालाई बुझ्न नसक्दा केही समयको लागि टाढिनु पर्ने हुन सक्छ । कुनै पनि विवादमा सामेल भए हारिने सम्भावना रहेको छ ।

धनु:- (‘ये,यो,भा,भी,भू,ध,फा,ढा,भे’)

उपहार तथा चिठ्ठा प्राप्तिको प्रशस्त सम्भावना रहेको छ भने भौतिक सम्पतिहरु लाभ हुनेछन् । शिक्षा क्षेत्रसँग सम्बन्धित क्षेत्रमा लगानी बढाउँदा मनग्गे धन कमाउन सकिनेछ । घर परिवारमा नयाँ मानिसको आगमन हुनेछ भने सन्तान तथा छोराछोरीको प्रगति देख्न पाईनेछ । व्यापार व्यवसायमा लगानी गर्दा प्रशस्त आम्दानी हुने हुँदा दैनिक कामहरु सहज रुपमा हुनेछन् भने महत्वपूर्ण कामहरु सम्पादन हुनेछन् । माया प्रेममा सामिप्यता बढेर जानेछ भने परिवारमा आत्मियता झल्कनेछ ।

मकर:- (‘भो,जा,जी,जू,जे,जो,ख,खी,खू,खे,खो,गा,गी’)

आमा तथा आफन्तबाट भनेजस्तो सल्लाह तथा सुझाव पाईने हुनाले सुधारात्मक काम गर्न सहयोग हुनेछ । कृषि तथा पशुपालन व्यवसायबाट राम्रो आम्दानी हुनेछ । समाजिक काममा समय दिनु पर्नेछ भने तपाईँको काम देखि सबै खुशी हुनेछन् । राजनीति तथा समाजसेवामा समय लगानी गर्नेहरुले सर्बसाधारणसँग सन्तुतिल व्यवहार गर्नुहोला । काम बिग्रने हुँदा मानसम्मानमा कमी हुनेछ । सवारी साधनको व्यापार व्यवसाय सुरु गर्दा भनेजस्तो नाफा कमाउन सकिनेछ ।

कुम्भ:- (‘गू,गे,गो,सा,सी,सू,से,सो,दा’)

गलत लेखाई अथवा गलत बुझाईले आफ्नो साख गिर्न सक्छ, ध्यान दिनुहोला । छोटो तथा रमाईलो यात्राको तय गर्न सकिने भएपनि बढी नै उत्साहित हुन खोज्दा नराम्रो घट्न सक्छ, ध्यान दिनुहोला । व्यापार व्यावसायमा लगानी गरे पनि नाफा कमाउन बढी नै समय खर्चनु पर्नेछ । मायाप्रेममा मनमुटाव सिर्जना हुने भएपनि अन्तत एक अर्कालाई विश्वास गर्दै अगाढि बढ्न सकिनेछ ।

मीन:- (‘दी,दू,थ,झ,ञ,दे,दो,चा,ची’)

असजिलो परिस्थितिहरुलाई बुद्धिमतापुर्वक सहजतामा ढाल्न सकिनेछ । मायाप्रेमको गाठो कसिलो हुनेछ भने जीवनसाथीको सहयोगले उत्पादनमुलक काम गर्न सकिनेछ । पारिवारिक सभा समारोहमा सहभागी भई मिठो मसिलो भोजन ग्रहण गर्न अवसर प्राप्त हुनेछ । कलाकारिता तथा फिल्मी क्षेत्रमा समय लगानी गर्नेहरुको नाम तथा दाम दुबै कमाउने ग्रहयोग रहेको छ । कुटुम्बको सहयोगले राम्रा काम गर्न सकिनेछ ।

तपाईको दिन शुभ रहोस् ।

♦ज्योतिषी गणेश काफ्ले ।