भ्यालेन्सियाको आत्मघाती गोलले एट्लेटिको विजयी

१४ मंसिर, एजेन्सी । स्पेनिस ला लिगा फुटबलमा एट्लेटिको मड्रिड विजयी भएको छ । शनिबार राति भएको खेलमा एट्लेटिकोले भ्यालेन्सियालाई १–० गोल अन्तरले हराएको हो ।

भ्यालेन्सियाको मैदानमा एट्लेटिकोले आत्मघाती गोलबाट जित निकालेको हो । खेलको ७९ औं मिनेटमा भ्यालेन्सियाका टोनी लाटोले आत्मघाती गोल गर्दा एट्लेटिको विजयी भएको हो ।

जितसँगै दोस्रो स्थानको एट्लेटिकोले ९ खेलमा २३ अंक जोडेको छ ।