भारतविरुद्ध स्मिथको लगातार दोस्रो शतक

१४ मंसिर, एजेन्सी । भारतसँगको दोस्रो एकदिवसीय क्रिकेटमा पनि अष्ट्रेलियाका व्याट्सम्यान स्टिभ स्मिथले शतक बनाएका छन् । पहिलो एकदिवसीयमा शतक बनाएका स्मिथले दोस्रो खेलमा पनि शतक बनाएका हुन् ।

६४ बल खेलेका स्मिथले १४ चौका र २ छक्का प्रहार गरे । पहिलो खेलमा १ सय ५ रन बनाएका स्मिथले दोस्रो खेलमा १ सय ४ रन बनाएका छन् । पहिलो खेलमा ६६ रनको जित हासिल गरेको अष्ट्रेलियाले दोस्रो एकदिवसीयमा भारतलाई ३ सय ९० रनको विशाल लक्ष्य दिएको छ ।