ओलीवादको एकलौटी ध्रुविकरण प्रचण्डको साहस र हिम्मतले ध्वस्त
नेपालबहस संवाददाता
मंसिर १४, २०७७ आइतबार १२:२७:२५
विचार, बहस संवादबिहिन अवस्थामा रहेको नेपाल कम्युनिष्ट पार्टी (नेकपा) लाई सधैं बालुवाटारको चारदिवार भित्र मात्र सीमित राख्ने परिपार्टीलाई ब्रेक थ्रु गर्दै प्रचण्डले पार्टीभित्रको आधिकारिक बैठकमा बहसको बिषय प्रवेश गराएर छलफलको शुभारम्भ मात्र गराएका छैनन् एकल नेतृत्वबाट सामुहिक छलफलको अवधारणामा समेत प्रवेश गराएका छन् ।
प्रधामन्त्री तथा पार्टी अध्यक्ष केपी शर्मा ओलीको एकल नेतृत्वको दबदबामा रहेको वर्तमान सत्ताधारी दल नेकपालाई प्रचण्डको साहसिक तथा युगान्तकारी लिखित दस्ताबेजले अहंकारका भीष्म पितामह मानिएका प्रधानमन्त्री ओलीलाई गतिलो झापट दिदैं पार्टी बैठकमै बस्न ईन्कार गरिरहेका ओलीलाई पार्टीको आधिकारिक बैठकमा समेत तानेर ल्याउन सफल भएको छ ।
बहुदलीय प्रतिस्पर्धा भएको मुलुकमा पार्टीगत राजनीतिक पद्धतिलाई महत्वपूर्ण पाटोको रुपमा हेरिन्छ । तर जनताको अथाह समर्थन र सिंगो बहुमत प्राप्त सरकार सञ्चालनको जिम्मेवारी पाएर सरकार हाँकी रहेको वर्तमानको नेपाल कम्यूनिष्ट पार्टी (नेकपा )को राजनीतिक पद्धतिमा सिगो पार्टीलाई नै चुनौति दिने दीर्घरोगबाट भन्दा पनि धाँक, धम्की र ब्यक्तिगत कुण्ठाबाट अत्यन्तै ग्रसित प्रधानमन्त्री केपी शर्मा ओलीलाई पार्टीको मुल लिकको लाईनमा हिडाउन सक्नु नै प्रचण्डको अहिलेको महत्वपूर्ण बिजयको रुपमा लिन थालिएको छ । आफ्नाे राजनीतिक विचार र भावी रणनीतिका बिषयमा अत्यन्तै स्पष्ट र साहसिक नेताका रुपमा रहेका प्रचण्डले वर्तमान नेकपामा देखिएको ब्यक्तिवादी सोचलाई समेत हस्तक्षेप गरी पूर्णबिराम लगाई दिएका छन् ।
यता केहि बालुवाटार कुरुवाहरुले ब्यक्तिगत तथा पारिवारिक स्वार्थसिद्ध गर्न पार्टीलाई नै रद्दीको टोकरिमा मिल्क्याउँदै प्रधानमन्त्रि ओली तर्फ ढल्किएका ओलीभक्त हनुमानहरुले प्रधानमन्त्रिलाई आफ्नै पार्टीका अर्का अध्यक्ष प्रचण्डका बिरुद्धमा निरन्तर बिष बमन गर्न उक्साई रहेका छन् । यसैका कारण धेरै लामो समयदेखि शुसुप्त अवस्थामा रहेका प्रचण्ड अहिले भने ज्वालामुखी बिष्फोट भएको अवस्थामा झै देखिएका छन् । पार्टीलाई बिधि, पद्धति र बिधान अन्तर्गत चलाउन बालुवाटारसँग पटक पटक अनुरोध, अनुनय, बिनय गर्दा पनि प्रधानमन्त्रि तथा पार्टी अध्यक्ष ओली टसको मस नभए पछि बाध्य भएर प्रचण्डले सचिवालयका बहुमत सदस्यहरुको सल्लाह र परामर्शमै लिखित रुपमा बर्तमान पार्टी र सरकार भित्रका असमझदारी र समस्याका कुराहरुलाई उजागर गरेका हुन ।
जुटने र फुटने दुबै प्रक्रिया नेकपाका लागि अफाप सिद्ध भएका छन् । पार्टी एकता र बिग्रहकै चक्रब्युहमा सधैं फसिरहने भन्दा पनि अब एउटा ठोस निश्कर्ष पार्टीले निकाल्नु अपरिहार्य आवश्यकता भएको देखिन्छ । बर्षौसम्म ब्यक्ति बिबादमा अडकिएर सिंगो पार्टी र त्यस पार्टीमा आबद्ध कार्यकर्ता तथा तमाम नेपाली जनतालाई गुमराहमा राख्नु पनि नेतृत्व तहबाट गरिएको राजनीतिक बेईमानी ठहर्छ ।
प्रधानमन्त्रीकै भाषामा प्रचण्डले पेश गरेका बुँदागत बिमतिहरुलाई आरोप मात्रै हुन् भने पनि यथार्थमा यसलाई पार्टीको आधिकारिक फोरममा छलफल गरेर अब एउटा निष्कर्शमा पुग्न सकिने अवस्था भने देखिदै गएको छ । यसले यथार्थमा बालुवाटार भित्र बसेर ब्यक्ति पूजामा बिभिन्न तानाबाना बुन्ने कार्यकर्ता मात्र हैन स्वयं प्रधानमन्त्री तथा पार्टी अध्यक्ष केपी शर्मा ओलीलाई समेत प्रचण्डले उनको ब्यक्तिगत धरातल भने स्पष्ट रुपमा देखाई दिएका छन् ।
राजनीतिमा कुटनीतिक तबरले आफ्ना तर्फमा जनमत तयार गर्नु एक कुशल राजनीतिज्ञको धर्म हो । पार्टीलाई एकताबद्ध बनाउँदै अन्तर पार्टी संवाद, बहस र छलफलले पार्टीलाई कमजोर बनाउँदैन् झन शक्तिशाली बनाउँछ भन्ने कुरा राम्ररी बुझेका प्रचण्डले पार्टी भित्र पटक पटक आन्तरिक बहस र छलफललाई निरन्तरता दिन प्रयास गरेकै हुन । पटक पटक आफु बदनाम भएरै भएपनि बालुवाटार धाएर पार्टीमा देखिएका समस्याहरु र सरकार सञ्चालनका अप्ठ्याराहरुलाई आपसी छलफलबाट समाधान गर्न भरमज्दुर प्रयास गर्दा पनि बालुवाटार कानमा तेल हालेर बसे झैं सुनेको नसुन्यै भएपछिको परिणाम र यही राजनीतिक धर्मलाई नै प्रचण्डले अहिले बडो शालिन, भद्र र शान्त तवरले अंगिकार गरेको देखिन्छ ।
वर्तमान नेकपामा देखिएको ओलीवादको एकलौटी ध्रुविकरणमा प्रचण्डको साहस र हिम्मतले टुक्रयाई ध्वस्त बनाई दिएको छ । प्रचण्डको साहस र हिम्मतले अबका दिनमा सिंगो नेकपालाई सही बिधि, पद्धति र अझ स्पष्ट राजनीतिक मार्गमा हिडाउन थप मद्धत पुग्ने देखिन्छ । सधैंको कोठे बैठकमा झुम्मिने, एक्लाएक्लै एकअर्काका प्रति मुर्मुरिने अनि सत्ताको दम्भमा रुमल्लिने दुबै तर्फका नेतृत्वहरु अब एकआपसमा मिलेर आमने सामने भएर आफ्ना गुनासाहरु तथा आफुलाई लागेका बिरोध र समर्थनका भावनाहरु साटासाट गर्ने र पार्टीभित्रको फोहोरको कन्टेनर सफा गर्ने स्वर्णिम अवसर प्राप्त गर्नेछन् या अब बिधिवत रुपमा पार्टी बिभाजनको आधारका रुपमा लिने छन् भन्ने कुरा भने नेकपाभित्र र आम नागरिकहरुको चासोको बिषय बनेको छ ।
वर्तमान राजनीतिक परिवेश हेर्दा बाघलाई छाडा छोडेर बाख्रा जोगाउने अभियानले सधैं बाघलाई नै सजिलो हुने अवस्था रहिरहने देखिन्छ । बाघलाई काबुमा नल्याएसम्म या बाघलाई खोरमा नथुनेसम्म बाख्रा हराउने प्रकृया भने नरोकिने नै देखिन्छ ।
दुबै पक्षका लिखित आरोप प्रत्यारोपले समस्यालाई निराकरणको रुपमा भन्दा पनि अझ बढी दियोमा बर्तन थप्ने अवस्थाका रुपमा देखिएका छन् । यसले दुई ब्यक्ति बीचको आपसी टकरावमा सिंगो नेकपा बली चढने निश्चित झै देखिएको छ । नेकपाभित्रका ईमान्दार र युवा पुस्ताले पनि अहिलेको नेकपाको आन्तरिक द्धन्दलाई समाधानतर्फ अग्रसर बनाउन हस्तक्षेपकारी भूमिका निर्वाह गर्नु पर्ने अवस्था देखिएको छ । तर नेकपा भित्रका दोश्रो पुस्ता यतिसम्म हिम्मत गर्लान जस्तो अवस्थाका देखिदैनन् ।
सधैं नेताको जिउहजुरी गरेर आफ्नाे स्वार्थपूर्ति गर्न सकृय नेकपाका दोश्रो तहका नेताहरुले पनि अब ब्यक्ति भन्दा पार्टी हेरेर एक कदम अगाडि बढन जरुरी देखिएको छ । जुटने र फुटने दुबै प्रकृया नेकपाका लागि अफाप सिद्ध भएका छन् । पार्टी एकता र बिग्रहकै चक्रब्युहमा सधैं फसिरहने भन्दा पनि अब एउटा ठोस निश्कर्ष पार्टीले निकाल्नु अपरिहार्य आवश्यकता भएको देखिन्छ । बर्षौसम्म ब्यक्ति बिबादमा अडकिएर सिंगो पार्टी र त्यस पार्टीमा आबद्ध कार्यकर्ता तथा तमाम नेपाली जनतालाई गुमराहमा राख्नु पनि नेतृत्व तहबाट गरिएको राजनीतिक बेईमानी ठहर्छ ।
नेकपाको पार्टी र सरकारभित्रको बालुवाटारको एकाधिकार तोडदै सामुहिक छलफल र बहसबाट नेकपामा आगामी कार्यदिशासहितका राजनीतिक योजनाहरु बन्दै जालान् । मन मिले एकै ठाउँमा बस्ने या मन नमिले छुट्टिने प्रकृया पनि राजनीतिक दलमा सामान्य कुरा हुन । यस खालका प्रकृयाहरु समेत भोलिका दिनमा अवलम्बन हुँदै जालान् । तर वर्तमान राजनीतिक परिवेश हेर्दा बाघलाई छाडा छोडेर बाख्रा जोगाउने अभियानले सधैं बाघलाई नै सजिलो हुने अवस्था रहिरहने देखिन्छ । बाघलाई काबुमा नल्याएसम्म या बाघलाई खोरमा नथुनेसम्म बाख्रा हराउने प्रकृया भने नरोकिने नै देखिन्छ ।
वर्तमान पार्टी अध्यक्ष द्वयले पार्टीको आधिकारिक फोरम भित्र पेश गरेका लिखित दस्ताबेजहरुलाई दुई अध्यक्षको दोहोरी ईन्द्रणीको दोहाेरी साँझको रुपमा मात्रै नलिई यिनै दस्ताबेजलाई एकताको आधारस्तम्भ बनाएर अगाडि बढन सक्ने हो भने नेकपाभित्रको बिबादको भुषको आगो बिस्तारै निभ्दै जाने देखिन्छ । सबै र सधैं एक अर्काको आरोप प्रत्यारोप र लान्छनाहरुका भीडमा मात्रै अल्मलिई रहने हो भने नेकपाभित्रको बिग्रह र बिभाजनले स्वयं नेकपालाई मात्र हैन सिंगो मुलुकलाई नै राजनीतिक दुर्घटनातर्फ लिएर जाने देखिन्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसाँच्चै नेपालले आफ्नो हित अनुभूत गने गरी भरतले सहकार्यको नीति अंगीकार गर्ला ?
चैत ६, २०८० मंगलबार
राजनीतिमा धुर्त ओली र लोभी प्रचण्ड !
चैत ३, २०८० शनिबार
काली कम्बल वाले बाबा फरार, आयोजकलाई समात्न खोज्दा झडप
आबिद हुसेन
चैत ४, २०८० आइतबार
विनोद चौधरीलाई पक्राउ गर्ने सीआईबीको तयारी
नेपालबहस संवाददाता
चैत ४, २०८० आइतबार
जीवन चलाउने कि प्रहरीका उच्च अधिकारी खेलाउने ? सुनौँ अडियो
नेपालबहस संवाददाता
चैत ५, २०८० सोमबार
प्रचण्ड झण्डैझण्डै दुर्घटना परिसकेका थिएः नेपाल
नेपालबहस संवाददाता
चैत ३, २०८० शनिबार
जीवन चलाउने कि प्रहरीका उच्च अधिकारी खेलाउने ? सुनौँ अडियो
चैत ५, २०८० सोमबार
हुण्डीको कारोबारामा संलग्न रहेको आरोपमा वीरगञ्जबाट एक जना पक्राउ
चैत ५, २०८० सोमबार
बन्दुकसहित दुर्गा प्रसाईंका सुरक्षा गार्ड पक्राउ
चैत ५, २०८० सोमबार
प्रतिनिधि सभामा सांसदलाई जवाफ दिँदै प्रधानमन्त्री
चैत ६, २०८० मंगलबार
मंगलबार यी मन्त्रको जप गर्नुहोस्, दुःखबाट मुक्ति मिल्नेछ
चैत ६, २०८० मंगलबार
साँच्चै नेपालले आफ्नो हित अनुभूत गने गरी भरतले सहकार्यको नीति अंगीकार गर्ला ?
चैत ६, २०८० मंगलबार
दैनिक हनुमान चालिसा पाठ गर्नुहोस्, जीवनमा आश्चर्यजनक लाभहरू पाउनुहुनेछ
चैत ६, २०८० मंगलबार
आचार्य चाणक्यका अनुसार यी व्यक्तिको घरमा पैसाको कमी हुँदैन
चैत ५, २०८० सोमबार
प्रजनन उपचारका लागि आयात गरिएको मानव अण्डामा हेमोफिलिया बी रोग
चैत ५, २०८० सोमबार