राष्ट्रपतिलाई भेट्न शीतलनिवासमा चिनियाँ रक्षामन्त्री

१४ मंसिर, काठमाडौं । चिनियाँ रक्षामन्त्री वेइ फेङहे राष्ट्रपति विद्यादेवी भण्डारीलाई भेट्न शितलनिवास पुगेका छन् । प्रधानमन्त्री केपी शर्मा ओलीसँग आधा घन्टा औपचारिक भेटवार्ता गरेपछि उनी राष्ट्रपतिलाई भेट्न शितलनिवास पुगेका हुन् ।

राष्ट्रपति विद्यादेवी भण्डारीसँग पनि उनले आधा घन्टा शिष्टाचार भेट गर्ने कार्यक्रम छ । भण्डारीसँगको भेटपछि फेङ्हे सिधै त्रिभुवन अन्तर्राष्ट्रिय विमानस्थल पुग्नेछन् । जहाँबाट उनी स्वदेश फर्किनेछन् ।

केही दिनअघि भारतीय विदेश सचिव नेपाल भ्रमण गरेर स्वदेश फर्कैको केही दिनमै चिनियाँ रक्षामन्त्री नेपाल आएका हुन् । यसले नेपालको राजनीति र नेकपाभित्रको आन्तरिक विवाद झन तरंगित छ ।