स्वरोजगारको लाभांश प्रस्तावमा भारी गिरावट, कति गर्यो बाेनस प्रस्ताव ?

१४ मंसिर, काठमाडौं । स्वरोजगार लघुवित्त वित्तीय संस्थाले गत आर्थिक वर्ष भन्दा कम १३.९७ प्रतिशत मात्र बोनस शेयर दिने भएको छ । लघुवित्तले बोनसमा लाग्ने कर तिर्न ०.६९ प्रतिशत लाभांश पनि दिने भएको छ ।

गत शुक्रबार बसेको स्वरोजगारको सञ्चालक समिति बैठकले कम्पनीले २०७६/७७ को नाफाबाट सो बोनस र लाभांश दिने निर्णय गरेको हो । कम्पनीले ४ करोड ५३ लाख ४२ हजार १७७ रुपैयाँ बराबरको बोनस वितरण गर्नेछ भने २३ लाख ८६ हजार १२३ रुपैयाँ कर तिर्न नगद लाभांश बाँड्नेछ ।

संस्थाले निर्णय गरेको उक्त बोनस शेयरधनीले पाउनका लागि नियामक निकाय राष्ट्र बैंक र आगामी साधारण सभाबाट अनुमोदन हुनुपर्ने छ । हाल संस्थाको चुक्ता पुँजी ३४ करोड १६ लाख १२ हजार रुपैयाँ रहेको छ ।

बोनस वितरणपछि पुँजी ३८ करोड ६९ लाख ५४ हजार रुपैयाँ पुग्नेछ । संस्थाले आ.व. ०७१, ०७२, ०७३ मा दिने लाभंश क्रमश बढाएको भएता पनि आर्थिक वर्ष ०७४, ०७५ र ०७६मा भने क्रमश घट्दै आएको छ ।