उच्च हिमाली गाउँ तोक्पेगोला जाडोमा सुनसान बन्यो
नेपालबहस संवाददाता
मंसिर १५, २०७७ सोमबार १६:२४:३७
१५ मंसिर, ताप्लेजुङ । अरु समयमा निकै चहलपहल हुने ताप्लेजुङको उच्च हिमाली गाउँ तोक्पेगोला आजकल सुनसान छ । हिउँदको जाडो छल्न चौँरी गोठसहित स्थानीयवासी तल्लो क्षेत्रमा सरेपछि तोक्पेगोला सुनसान बनेको हो ।
यहाँका स्थानीयवासी जाडोको मुख्य समय मंसिर, पुस र माघसम्म तल्लो क्षेत्रमा सरेर बस्ने गरेका छन् । अरु समयमा भने पुनः तोक्पेगोलामै गएर आफ्नो व्यवसायमा सक्रिय हुन्छन् । पर्यटकीय क्षेत्र तोक्पेगोला मिक्वाखोला गाउँपालिका–५ पापुङमा पर्छ ।
झण्डै चार हजार मिटरको उचाइमा पर्ने सो गाउँका स्थानीयवासीले व्यावसायिकरूपमा याक, चौँरी गोठ पाल्ने गरेका छन् भने जडीबुटी सङ्कलन तथा व्यापारसमेत गर्ने गरेका छन् । चिसोका कारण सबै परिवार तल्लो क्षेत्रमा झरेपछि कात्तिक दोस्रो सातादेखि नै बस्ती पूरै खाली रहेको पापुङ प्रहरीचौकीका इञ्चार्ज धनराज तुम्बापोले बताए । उनका अनुसार उनीहरु तल्लो क्षेत्रमा पर्ने दुङ्गिम, लाम्छाङलगायतका ठाउँमा सरेर बसेका छन् ।
पशुपालक किसान आफ्नै काम धन्दामा व्यस्त रहे पनि केही भने यही मौकामा घुमघाम र आफन्त भेटघाटका लागि काठमाडौं, भारतको सिक्किम, दार्जिलिङलगायतका ठाउँमा जाने गरेको स्थानीय मिलन शेर्पाले बताए । कतिपय आफ्ना छोराछोरी भेट्न निस्कने गर्छन् । त्यस क्षेत्रमा विद्यालय नभएकाले धेरैजसोका बालबालिका सदरमुकाम र जिल्लाबाहिरका विद्यालयमा गएर पढ्ने गर्छन् ।
जिल्लाको मिक्वाखोला गाउँपालिकामा पर्ने तोक्पेगोला पर्यटकीय क्षेत्र पनि हो । सो गाउँमा ढुक्प्या जातिका २३ घरपरिवारको बसोबास छ । विशेषगरी भदौ असोजको समयमा भने आन्तरिक पर्यटक तोक्पेगोलामा पुग्ने गर्छन् । सोदुपोखरी, भूतपोखरीलगायतका दर्जनौँ पोखरीका साथै रमणीय ठाउँ भएकाले घुम्न र अवलोकनका लागि सो क्षेत्रमा आन्तरिक पर्यटक पुग्ने गरेका हुन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबुधबार बैंकिङ प्रणालीबाट ३० अर्ब उठाउँदै राष्ट्र बैंक
माघ २, २०८० मंगलबार
बर्खास्त गर्ने चेतावनी दिएपछि एमालेका मन्त्रीहरूले दिए राजीनामा
चैत २१, २०७९ मंगलबार
प्रहरीबाट नेता कुटिएपछि राजविराज तनावग्रस्त
चैत २१, २०७९ मंगलबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार