स्वास्थ्य चौकीहरुमा डाक्टर र औषधि छैन्, तर सरकारका कुरा चैँ ठुला ?

१५ मंसिर, काठमाडौं । नेपाली कांग्रेसका केन्द्रीय सदस्य एवं युवा नेता धनराज गुरुङले ३९६ स्थानीय तहमा एकसाथ अस्पताल शिलान्यास गर्ने कुरा सकारात्मक भएपनि यसैलाई क्रान्तिको संज्ञा दिनु आफैमा हाँस्यास्पद भएकाे बताएका छन् ।

सोमबार मुलुकभर एकसाथ ४०३ वटा अस्पतालको शिलान्यास हुँदैछ । ३९६ पालिकामा आधारभूत अस्पताल र सातवटै प्रदेशमा सरुवा रोग अस्पताल गरी ४०३ अस्पताल भवनको शिलान्यास हुन लागेको हो ।

आज एकैदिन देशैभर ४०३ वटा अस्पतालको शिलान्यास हुँदै गर्दा नेता गुरुङले यसैलाई क्रान्तिको संज्ञा दिनु आफैमा हाँस्यास्पद भएको बताएका हुन् ।

३९६ स्थानीय तहमा एकसाथ अस्पताल शिलान्यास गर्ने कुरा सकरात्मक भएपनि यसैलाई क्रान्तिको संज्ञा दिनु आफैमा हाँस्यास्पद। भएका स्वास्थ्य चौकीहरुमा न्युनतम स्वास्थ्य सामाग्री, डाक्टर र अौषधि छैन। तर कुरा चैं ठुला? बिजुलीको पोलहरुमा टाँसिएको फोटो सहितको नयाँ युगको सुरुवात पनि देखेकै हौं!

— Dhan Raj Gurung (@dhanrgrg) November 30, 2020

सामाजिक सञ्जाल ट्वीटरमा आफ्नो विचार लेख्दै नेता गुरुङले स्वास्थ्य चौकीहरुमा न्युनतम स्वास्थ्य सामाग्री, डाक्टर र औषधि पनि छैन् । तर कुरा चैँ ठुला ? भनि सरकारलाई व्यङग गरेका छन् । नेता गुरुङले भनेका छन्, बिजुलीका पोलहरुमा टाँसिएको फोटोसहितको नयाँ युगको सुरुवात पनि देखेकै हौं ।

बजेट भाषणका क्रममा गरिएको घोषणा कार्यान्वयनका क्रममा सरकारले पहिलो चरणमा अस्पताल नपुगेका ३९६ पालिकामा पाँचदेखि १५ शैय्याको अस्पताल बन्ने जनाएको छ।

७५३ पालिकामध्ये ६४९ पालिकामा अस्पताल नै रहेका छैनन् । तीमध्ये पहिलो चरणमा ३९६ पालिकामा अस्पतालको भवन शिलान्यास गर्न लागिएको हो ।