बालिकामाथि भएका यौनजन्य हिंसाको सेभ द चिल्ड्रेनद्धारा भत्र्सना

१५ मंसिर, काठमाडौं । देशमा बालबालिका विरुद्ध हुने हिंसाका घटनाहरू बढीरहेको सन्दर्भमा बालबालिका विरुद्ध हुने त्यस्ता कार्य विशेष गरी बालिकामाथि भएका यौनजन्य हिंसाको सेभ द चिल्ड्रेन भत्र्सना गर्दछ ।

सेभ द चिल्ड्रेन संघीय, स्थानीय सरकार तथा सबै सरोकारवालाहरूलाई नेपालका बालबालिकाहरूको संरक्ष्ँण गर्न कडा कदम चाल्न आग्रह गर्दछ । नेपालको संविधान, बालअधिकारसम्बन्धी महासन्धि तथा बालअधिकार ऐन २०७५ मा लेखिएअनुसार बाल संरक्षण संयन्त्रलाई प्रभावकारी बनाइ बालबालिकाको अधिकार संरक्षण गर्न र भविष्यमा त्यस्ता घटना हुन नदिन हामी नेपाल सरकारलाई आग्रह गर्दछौं ।

“हाल रिपोर्ट भएका बालबालिका विरुद्ध भएका हिंसाका घटनाहरूले बालबालिकामाथि हुने सबै प्रकारका हिंसालाई सम्बन्धित निकायमा रिपोर्ट गर्ने र त्यस्ता घटनाको कानुनी प्रणालीबाट व्यवस्थापन हुन पर्ने आवश्यकतालाई जोड दिएको छ । हामी कानुन कार्यान्वयन गर्ने निकायहरू र न्यायिक प्रणालीमार्फत कानूनी समाधानको दु्रत प्रयोग सुनिश्चित गर्न आग्रह गर्दछौं ,” सेभ द चिल्ड्रेनका नेपालका लागि राष्ट्रिय निर्देशक जेनिफर साइडले भने ।

बालबालिकाहरूका लागि सुरक्षित संसार सिर्जना गर्न सम्भव छ भन्ने सेभ द चिल्ड्रेन विश्वास गर्दछ । बालबालिकाहरूप्रति आफ्नो उत्तरदायित्व पूरा गर्दे हामी सबै सरोकारवाला निकायहरूलाई किशोरी तथा महिलालगायत बालबालिकाको संरक्षरणलाई प्राथमिकता दिन अनुरोध गर्दछौं ।

सेभ द चिल्ड्रेनका बारेमा

सेभ द चिल्ड्रेन प्रत्येक बालबालिकाको सुन्दर भविष्यमा विश्वास गर्छ । हरेक दिन हामी नेपाल र संसारभरका बालबालिकालाई जीवनको स्वस्थ सुरुवात गर्न, सिक्न र हिंसाबाट सुरक्षित राख्ने काम गर्छ । सेभ द चिल्ड्रेन हरेक दिन र हरेक विपद्को समयमा बालबालिकाको आवश्यकताका लागि काम गर्छ — ताकि उनीहरूको जीवन र भविष्यमा सुन्दर परिवर्तन आओस् ।