सम्झौता म्यादभित्र कार्यसम्पादन नगर्ने निर्माण व्यवसायीको ठेक्का रद्द
नेपालबहस संवाददाता
मंसिर १६, २०७७ मंगलबार २३:१७:९
१६ मंसिर, भादगाउँ । सडक डिभिजन कार्यालय भक्तपुरले सम्झौता म्यादभित्र कार्यसम्पादन नगर्ने निर्माण व्यवसायीको ठेक्का रद्द गर्ने प्रक्रिया अघि बढाएको छ । सडकले भक्तपुर र काभ्रेपलाञ्चोकका विभिन्न ६ वटा योजनाको आज सार्वजनिक सूचना जारी गरी ठेक्का रद्द गर्ने प्रक्रिया अघि बढाएको हो ।
सडकले ठेक्का रद्द गर्न प्रक्रिया अघि बढाएको योजनाहरुमा एनएस बिल्डर्स वीरेन्द्रनगर सुर्खेतले ठेक्का पाएको च्याम्हसिंह नाला बनेपा सडकमा आवधिक मर्मत गर्नेसम्बन्धी दुईवटा ठेक्का रहेका छन् । विसं २०७६ मङ्सिर १० गते निर्माण सम्झौता गरेको उक्त दुईवटा ठेक्कामध्ये एउटाको कार्य सम्पन्न गर्नुपर्ने मिति २०७७ साउन २८ गते र अर्को ठेक्काको कार्य सम्पन्न मिति २०७६ चैत १६ गते रहेको थियो ।
त्यस्तै सडकले झिकुखोला पुल निर्माणको ठेक्का पनि रद्द गर्ने प्रक्रिया अघि बढाएको छ । अरनिको राजमार्ग तीनपिप्लेदेखि बक्लुटार पलाञ्चोक सडक काभ्रेपलाञ्चोकको सो पुल निर्माणको ठेक्का चन्द्रा-एन्ड वसन्त एमएम जेभी ललितपुरले पाएको थियो । सो पुल निर्माणको सम्झौता २०७४ साल जेठ १९ गते भएको थियो भने २०७७ साल मङ्सिर १२ गते निर्माण गरिसक्नुपर्ने सम्झौतामा उल्लेख छ ।
सडकले सुनौलो खिम्ती कन्स्ट्रक्सन प्रालि काठमाडौँसँगको दुईवटा ठेक्का पनि रद्द गर्ने प्रक्रिया अघि बढाएको छ । खिम्तीले ठेक्का पाएको लोकन्थली हेल्थपोष्ट रमाइलोचोक चाइल्ड नेचर स्कुल सडक विस्तार र हनुमन्ते खोला अरनिको राजमार्ग बप्फा पाटीविहार बहाखाबजार सडक विस्तार गरी दुईवटा योजनाको ठेक्का रद्द गर्ने प्रक्रिया अघि बढाएको हो । ती दुईवटै ठेक्काको सम्झौता २०७० चैत २३ गते भएको थियो भने कार्य सम्पन्न गर्नुपर्ने २०७२ असार २२ गते रहेको थियो ।
त्यसैगरी सडकले काठमाडौंको इन्द्रायणी र भक्तपुरको चाँगुनारायण जोड्ने मनोहरा खोलाको पुल निर्माणको ठेक्कासमेत रद्द गर्ने प्रक्रिया अघि बढाएको छ । श्री लामा बिल्र्डस-साल्पा शेर्पा-जयबाबा गोरख जेभीले सो पुलसँगै पहुँच सडक निर्माण कार्यको ठेक्का पाएको थियो । यो योजनाको सम्झौता २०६८ असार २७ गते रहेको छ भने कार्य सम्पन्न गर्नुपर्ने २०७६ फागुन ३० गते रहेको छ ।
सम्झौताअनुसार तोकिएको समय अवधिभित्र निर्माण कार्य सम्पन्न नगरेकाले यसअघि कार्य सम्पन्न गर्नका लागि मौखिक, टेलिफोन तथा पत्राचारमार्फत सूचना गरिएकामा हालसम्म कार्यप्रगति सन्तोषजनक नदेखिएकाले उक्त ठेक्का तोड्ने प्रक्रिया अघि बढाएको कार्यालयले जनाएको छ । सो सम्बन्धी स्पष्टीकरणसहित सात दिनभित्र कार्यालयमा उपस्थित हुन सम्बन्धित निर्माण व्यवसायीलाई सार्वजनिक सूचना जारी गरिएको छ ।
निर्माण सम्पन्न हुन नसक्नुको मनासिब कारणसहित सात दिनभित्र सम्बन्धित व्यवसायी उपस्थित नभए कानून बमोजिम ठेक्का सम्झौता तोडी कार्य सम्पादन जमानत बापतको रकम जफत गर्नाका साथै सम्झौता अन्त्य भएको कारणले सम्झौताबमोजिम बाँकी रहेको कार्य पूरा गर्न जे जति रकम आवश्यक पर्छ सो रकम त्यसरी सम्झौताबमोजिम कार्य नगर्ने व्यवसायीहरुबाट सरकारी बाँकीसरह असुलउपर गर्ने तयारी सडकले गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमुग्लिन–पोखरा सडक विस्तार : म्याद सकियो, काम सकिएन
बैशाख ९, २०८१ आइतबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
भेरी नदीमाथि निर्माणाधीन ‘बेलिब्रिज निर्माणले पायो तीव्रता
बैशाख ७, २०८१ शुक्रबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
इलाम उपनिर्वाचन, डरैडरमा उम्मेदवार
बैशाख ११, २०८१ मंगलबार
एशियन च्याम्पियन्स लिगबाट बाहिरियो अल हिलाल
बैशाख १२, २०८१ बुधबार
स्वरोजगार प्रवर्द्धन गर्न युवालाई तालिम
बैशाख १२, २०८१ बुधबार
आइपिएलमा आज दिल्ली र गुजरातबीच खेल हुँदै
बैशाख १२, २०८१ बुधबार
चेन्नईमाथि लखनउको शानदार जित
बैशाख १२, २०८१ बुधबार
कतारका अमिर र प्रधानमन्त्री प्रचण्डबीच आज द्विपक्षीय भेटवार्ता
बैशाख १२, २०८१ बुधबार
यी तीन प्रदेशमा आज मेघ गर्जनसहित वर्षा हुने
बैशाख १२, २०८१ बुधबार