मत्ता साँढेहरुलाई तह नलगाएसम्म गणतन्त्र दुर्गन्ध मुक्त हुँदैन : नेता गुरुङ

१७ मंसिर, काठमाडौं । नेपाली कांग्रेसका नेता धनराज गुरुङले गणतन्त्रका मत्ता साँढेहरुलाई तह नलगाएसम्म गणतन्त्र दुर्गन्धमुक्त हुन नसक्ने बताएका छन् । नेता गुरुङले हामीले गणतन्त्र ल्यायौं तर गणतन्त्रका मत्ता साँढेहरुले करोडौं खाएर चौबाटोमा गोबर्‍याएका कारण गणतन्त्रलाई नै दुर्गन्धित बनाइरहेको बताएका हुन् ।

सामाजिक सञ्जालमा आफ्नो विचार लेख्दै उनले भनेका छन्, “हामीले गणतन्त्र ल्यायौं तर गणतन्त्रका मत्ता साँढेहरुले करोडौं खाएर चौबाटोमा गोबर्‍याएका कारण गणतन्त्रलाई नै दुर्गन्धित बनाइरहेका छन्। गणतन्त्रका मत्ता साँढेहरुलाई तह नलगाएसम्म गणतन्त्र दुर्गन्धमुक्त हुन सक्दैन।”

देशको राज्य व्यवस्था स्वचालित र प्राणवान हुनुपर्दछ । जसलाई विधिको शासनद्वारा व्यवस्थित गरिन्छ । तर, हामीकहाँ अहिले जुन काम गर्नु छैन, त्यही काम गर्न बेसरी हल्ला गरिन्छ र जुन काम गर्नु छ त्यसैको व्यापक विरोध गरिन्छ । ठीक, यही कुरा कानुनी राज्यको मूर्ततामा पनि लागू हुन्छ ।

विधिको शासनलाई धुजाधुजा पार्न सबै शक्ति परिचालित छन् । अदालतलाई राजनीतिक भर्तीकेन्द्रको रूपमा विकसित गरिने उपक्रम भइरहेको छ । राजनीति सबै अंगमा सर्वोपरी छ ।

राजनीति नै साध्य भएको छ । देशका सबै अंग र प्रशासनतन्त्र पूर्णरूपमा भनसुन, सोर्सफाेर्स सिफारिस र भ्रष्टाचारमा डुबेको छ । नियन्त्रण र नियमनकारी कुनै सक्षम सत्ता नरहेकोले बलिया र राजनीतिमा रहेकाले जे गरे पनि हुने भएको छ । देशकाे प्रणाली ‘सिस्टम’ विहीन छ ।

सामाजिक सञ्जाल ट्वीट माफर्त आक्रोसयुक्त धारण सार्वजनिक गर्दै नेता गुरुङले आफुहरुले गणतन्त्र ल्याएको तर गणतन्त्रका मत्ता साँढेहरुले करोडौं खाएर चौबाटोमा गोबर्‍याएका कारण गणतन्त्रलाई नै दुर्गन्धित बनाइरहेको बताएका छन् ।