हल्याण्ड नखेलेपनि डर्टमुण्ड च्याम्पियन्स लिगको नकआउट चरणमा

१८ मंसिर, एजेन्सी । बोरुसिया डर्टमण्ड च्याम्पियन्स लिग फुटबलको अन्तिम १६ मा प्रवेश गरेको छ । बुधबार समूह एफको खेलमा लाजियोसंग १–१ गोलको बराबरी खेल्दै डर्टमण्ड प्रतियोगिताको नकआउट चरणमा प्रवेश गरेको हो ।

डर्टमण्ड मुख्य फरवार्ड ईर्लिङ हालाण्डविरुद्ध मैदान उत्रिएको थियो । उनी यस सिजन च्याम्पियन्स लिगका सर्वाधिक गोलकर्ता हुन् । उनले ६ गोल गरेका छन् । उनी चोटका कारण डर्टमण्डको टिममा समावेश थिएनन् ।

डर्टमण्डमा उनको आक्रमणको अभाव देखिएको थियो । तर राफेल गुएरेरोले ४४ औं मिनेटमा डर्टमण्डलाई अग्रता दिलाएका थिए ।

दोस्रो हाफमा सिरि ए क्लबले बराबरी गोल फर्कायो । कप्तान इम्मोबिलले ६७ औं मिनेटमा पेनाल्टीमा गोल गर्दै खेल बराबरीमा ल्याएका थिए । डर्टमण्ड समूह एफबाट १० अंक सहित नकआउट चरण प्रवेश गरेको हो ।