खेलकूद विकास समिति १६ महिनादेखि नेतृत्वविहीन, खेल गतिविधि ठप्प
नेपालबहस संवाददाता
मंसिर १९, २०७७ शुक्रबार २२:५९:४०
१९ मंसिर, बागलुङ । जिल्ला खेलकूद विकास समिति गत वर्षको साउनयता नेतृत्वविहीन छ । बजेट र कार्यक्रमको अभावमा निष्क्रिय बनेको समिति कर्मचारीका भरमा छ । नियमित कार्यालय खर्च धान्न पनि धौ–धौको स्थिति छ । खेल गतिविधि ठप्प छ । चौमासिक बजेट समयमा नआउँदा कर्मचारीलाई तलब खुवाउन र भाडा तिर्नसमेत समस्या छ ।
“पदाधिकारी नहुँदा अन्योलको अवस्था छ, कार्यक्रम र बजेट केही आएको छैन”, कार्यालय प्रमुख भीमसेन शाक्यले भने, “पदाधिकारी नियुक्तिबारे हामीलाई केही जानकारी हुँदैन, एकैचोटि पत्र आएपछि थाहा हुन्छ ।” पदाधिकारी चयनमा ढिलाइ भइरहेको भन्दै उनले कानूनी प्रबन्ध छिटो टुङ्गाएर समितिलाई गतिशील बनाउनुपर्ने धारणा राखे ।
ह्याण्डबलका सहायक प्रशिक्षकसमेत रहनुभएका प्रमुख शाक्यले कोराना महामारीलगायतका कारणले एक वर्षदेखि खेल क्षेत्र प्रभावित बनेको बताए । “गत वर्ष राष्ट्रपति रनिङ शिल्ड गर्ने तयारीमा थियौँ, कोरोना जोखिमका कारण अन्तिममा आएर स्थगित भयो, त्यसयता केही कार्यक्रम आएको छैन”, उनले भने । अहिले खेलकूद प्रशिक्षण पनि रोकिएको छ । योबीचमा समितिमा कार्यरत तीनजना प्रशिक्षकले अवकाश पाएका छन् ।
भारोत्तोलनका प्रशिक्षक विकासकुमार शाक्य, कराँतेका सहायक प्रशिक्षक धनराज महर्जन र टेबल टेनिसका सहायक प्रशिक्षक सुख शाक्यले अनिवार्य अवकाश पाएको समितिले जनाएको छ । अब समितिमा सहायक प्रशिक्षकका रुपमा तेक्वान्दोमा परशुनारायण बोहोरा, जिम्न्यास्टिकमा राजेश बाँस्कोटा, उसुमा दिलबहादुर किसान र ह्याण्डबलमा शाक्य गरी चारजना मात्र छन ।
पूर्वाधार र सामग्री अभावमा कतिपय खेल प्रशिक्षक कामविहीन बन्नुपरेको छ । समितिमा रहेको नायब सुब्बा र सहायक लेखापालको दरबन्दी पनि वर्षौंदेखि रिक्त छ । नेतृत्वविहीनताले समितिलाई झन अस्तव्यस्त र गतिहीन तुल्याएको छ । राष्ट्रिय खेलकूद विकास ऐन–२०७७ लागू भएको पाँच महिना बितिसक्दा पनि समितिले पदाधिकारी पाउन नसकेको समितिका निवर्तमान अध्यक्ष धनबहादुर परियारले गुनासो गरे ।
जिल्लाको खेलकूद हेर्ने राज्यको मुख्य संस्था नै आफैँ समस्यामा फसेको उनको भनाइ छ । “राज्यको नजरमा खेलकूद सधैँ कम प्राथमिकतामा छ, खेल क्षेत्रमा सबैतिर समस्या र बेथिति बढी छ”, परियारले भने । उनले गण्डकी प्रदेशलेसमेत गत असोजमा आफ्नै खेलकूद विकास ऐन पारित गरेकाले छिट्टै समिति गठन हुनेमा आशा व्यक्त गरे । राष्ट्रिय खेलकूद विकास ऐनले प्रदेश र स्थानीय तहमा आफ्नै कानूनअनुसार खेलकूद विकासका लागि संरचना बनाउन सक्ने व्यवस्था गरेको छ ।
प्रदेश खेलकूद ऐनमा पनि खेलकूद परिषद् स्थापना भएपछि जिल्ला तहमा खेलकूद विकास समिति गठन हुने उल्लेख छ । प्रदेशको सामाजिक विकास मन्त्रालयले पदाधिकारी नियुक्तिका लागि कार्यविधि तयार गरिसकेको जनाइएको छ । यसअघि राष्ट्रिय खेलकूद परिषद्अन्तर्गत रहको जिल्ला खेलकूद विकास समिति अब प्रदेश मातहत रहनेछ ।
नयाँ राष्ट्रिय खेलकूद ऐनले स्थानीय तहलाई पनि खेलकूदको विकास र प्रवद्र्धनका लागि आफैँ कानून बनाएर संरचना निर्माण गर्नसक्ने बाटो खोलिदिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआइपिएलमा आज चेन्नई र लखनउ खेल्दै
बैशाख ११, २०८१ मंगलबार
नेपाल टूरमा आउने वेस्ट इन्डिज 'ए' टिमको घोषणा, को को परे ?
बैशाख ११, २०८१ मंगलबार
मुम्बईलाई सजिलै हरायो राजस्थानले : सन्दीपले लिए ५ विकेट, जैसवालको शतक
बैशाख ११, २०८१ मंगलबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
गोदावरी बैठक छाडेर घरमै आराम गरिरहेका छन ओली
नेपालबहस संवाददाता
बैशाख ९, २०८१ आइतबार
अमिर शेखको भ्रमणलाई लिएर सुरक्षामा कडाई
बैशाख १०, २०८१ सोमबार
रुद्रकली : कतारी अमिरलाई उपहार दिइने हात्ती
बैशाख १०, २०८१ सोमबार
कतारका अमिरको नेपाल भ्रमणमा भोलि सार्वजनिक बिदा
बैशाख १०, २०८१ सोमबार
राज्य कोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
दाङमा चैते धानप्रति किसानको आकर्षण बढ्दो
बैशाख ११, २०८१ मंगलबार
औषधिमा प्रयोग हुने केमिकल बोकेको ट्रकमा आगलागी
बैशाख ११, २०८१ मंगलबार
सुनचाँदीको मुल्य घट्यो, कतिमा हुँदैछ कारोबार ?
बैशाख ११, २०८१ मंगलबार
रौनियारसहित २९ ठेकेदारका निमार्ण कम्पनी कालोसूचीमा
बैशाख ११, २०८१ मंगलबार
सावधान ! प्लाष्टिकको प्रयोगले हुन्छ यस्तो डरलाग्दो असर !
बैशाख ११, २०८१ मंगलबार