श्री इन्भेष्टमेन्टले नाफाबाट ८ करोड ७२ लाख बाँड्ने

१९ मंसिर, काठमाडौं । श्री इन्भेष्टमेन्ट एन्ड फाइनान्स कम्पनीको हिजो बसेको संचालक समितिले आर्थिक वर्ष २०७६/७७को मुनाफबाट शेयरधनीलाई १०.५३ प्रतिफल दिने घोषणा गरेको छ ।

कम्पनीको हिजो बसेको सञ्चालक समिति बैठकले ७.३७ प्रतिशत बोनस शेयर र ३.१६ प्रतिशत नगद लाभांश दिने निर्णय गरेको हो । ६ करोड १० लाख ९९ हजार ८७९ रुपैयाँ बराबरको बोनस वितरण गर्नेछ । त्यस्तै, २ करोड ६१ लाख ९७ हजार ५०६ रुपैयाँ नगद बाँड्नेछ ।

प्रस्तावित वितरणयोग्य नाफा स्वीकृतिका लागि नियामक निकाय नेपाल राष्ट्र बैंक र आगामी वार्षिक साधारण सभामा पेश गरिने कम्पनीले जनाएको छ । हाल श्रीको चुक्ता पुँजी ८२ करोड ९० लाख ३५ हजार रुपैयाँ छ । प्रस्तावित बोनस शेयरपछि पुँजी ८९ करोड १ लाख ३४ हजार रुपैयाँ पुग्नेछ ।