नेपालमै गाँजाको व्यवसाय गरेर लाखौं कमाउने बाटो खुल्यो ?
नेपालबहस संवाददाता
मंसिर १९, २०७७ शनिबार २:७:५८
१९ मंसिर, काठमाडौं । नेपालमा जताततै सजिलै पाइने गाँजा अब संसारभर बिक्री वितरण गर्न पाइने भएको छ । सयुक्त राष्ट्रसंघीय नियोगले गाँजालाई खतरनाक लागुपदार्थको सूचीबाट हटाएसँगै गाँजा अब नेपालसँगै विश्वभर खुला भएको हो । यद्यपि गाँजालाई खुला रुपमा उत्पादन गर्न र किनबेच हुने कानुनी प्रक्रियाको संशोधन गर्न भने बाँकी नै छ ।
गाँजालाई प्रतिबन्धित लागुऔषधबाट हटाएर आयूवेर्दिक औषधीको रुपमा सुचीकृत गर्न युएनमा मतदान भएको थियो । लागुऔषध सम्बन्धी राष्ट्रसंघीय नियोगले बुधबार बहुमतका आधारमा प्रस्ताव पारित गरेको हो । विश्व स्वास्थ्य संगठनले गाँजालाई खतरनाक लागुऔषधको सूचीबाट हटाउन सिफारिस गरेको थियो ।
भियनामा सम्पन्न नियोगको वार्षिक सम्मेलनमा गाँजाजन्य वस्तुलाई खतरनाक लागुपदार्थको सूचीबाट हटाउने प्रस्तावमा २७ देशले समर्थन जनाएका थिए भने २५ देशको विपक्षमा मत परेको थियो । नेपालले गाजाँलाई प्रतिबन्धबाट हटाउने पक्षमा मतदान गरेको थियो ।
गाँजा खाने शक्तिशाली देश
नेपालसँगै अमेरिका, बेलायत, दक्षिण अफ्रिका, क्यानडा, अस्ट्रेलिया, फ्रान्स, इटाली, जर्मनी, भारतले पनि पक्षमा मतदान गरेका थिए । नेपाल लगायत विकासोन्मुख देशमा पाइने गाँजा अमेरिका लगायत शक्तिशाली देशका नागरिकले अत्याधिक सेवन गर्ने गरेका छन् ।
खासगरी लागुऔषध ड्रग्स बनाउन कच्चा पदार्थका रुपमा प्रयोग हुन सक्ने गाँजालाई नेपाली आयुर्वेदिक औषधिका रुपमा लिइन्छ । तर विकसित देशकै दबाब र प्रभावमा नेपाल लगायतका विकासोन्मुख देशमा बिस् २०३० सालदेखि गाँजा प्रतिबन्धित छ ।
जसको प्रत्यक्ष फाइदा विदेशी कम्पनीलाई हुने गरेको थियो । गाँजालाई औषधीय गुणका रुपमा पनि प्रयोग गर्न सकिन्छ । तर त्यो अहिलेसम्म प्रतिबन्धित बिरुवाका रुपमा गणना गर्ने गरिएको छ । सोही कारण पनि गाँजामाथि लगाइएको प्रतिबन्ध फुकाउन राष्ट्रसंघीय आयोगमा मतदान भएको हो ।
प्रतिबन्ध फुकुवा भएपछि अब नेपाल लगायतका देशमा गाँजाको खेती गर्न सहज हुनेछ । नेपालका ग्रामीण क्षेत्र, जहाँ सिँचाई नभएको पहाड तथा तराईका ठाउँमा गाँजा खेती राम्रो हुने गरेको छ । अब यसको फाइदा नेपालले उठाउन सक्नेछ ।
गाँजा प्रतिबन्ध गर्नुपर्ने पक्षमा जापान, इराक, ब्राजिल, चीन, रूस, पाकिस्तान लगायत छन । जसले विपक्षमा मतदान गरेका थिए । राष्ट्रसंघको सिंगल कन्भेन्सन अन नार्कोटिक ड्रग्स १९६१ अनुसार गाँजालाई खतरनाक लागुपदार्थको सूचीमा राखिएको थियो । पछिल्लो निर्णयअनुसार अब यसलाई औषधिजन्य गुण भएको र कम खतरनाक लागुपदार्थको सूचीमा वर्गीकरण गरिएको छ ।
इन्टरनेसनल ड्रग पोलिसी कन्सोर्टियमका कार्यकारी निर्देशक आन फोर्डामले भने वर्गीकरण हेरफेरले मात्र गाँजाबारे फैलाइएको गलत हल्लामा परिवर्तन नआउने बताएका छन् । पछिल्लो समय भएका विभिन्न वैज्ञानिक अनुसन्धानले गाँजा औषधिका रूपमा प्रयोग गर्न सकिन्छ भन्ने पुष्टि गरेको छ । यही अनुसन्धानका आधारमा गाँजा सेवनलाई कानुनी मान्यता दिने पहिलो देश भने उरुग्वे हो ।
नेपालमा गाँजा खेती : पहिले र अहिले
नेपालमा धेरै बर्ष पहिले गाँजा उत्पादन र बिक्री हुने गथ्र्यो । तराईका बारा, पर्सा, सिरहा, धनुषा, महोत्तरी तथा मध्य र पश्चिमका पहाडी जिल्लामा नगदे बालीका रूपमा गाँजा उत्पादन हुन्थ्यो ।
दोस्रो विश्वयुद्धकै समयदेखि नेपाली गाँजा भारत र अन्य देशमा ब्रान्डका रूपमा स्थापित भएको मानिन्छ । काठमाडौंमा गाँजा खान विदेशीहरु समेत आउने गर्थे । त्यतिबेला गाँजा व्यापारका लागि केन्द्रहरु नै खुलेका थिए । अर्थात पसल नै छुट्टै थिए । खासगरी असन र न्युरोडमा गाँजा बढी पाइन्थ्यो ।
यसको बढ्दो व्यापारसँगै सरकारले सन् १९६१ मा लागुऔषध ऐन जारी ग¥यो । लगत्तै अर्को वर्ष उत्पादन, बिक्री तथा आयातनिर्यातमा अनुमति पत्र लिनुपर्ने नियम बनायो । गाँजा नेपालको राजश्वमा ठूलो हिस्सा ओगट्ने व्यवसाय बन्यो । तरपछि राष्ट्रसंघबाट दबाब आएपछि सरकारले गाँजा उत्पादन र बिक्री गर्न प्रतिबन्ध लगायो । गाँजा उत्पादन र किनबेचविरुद्ध सन् १९७३ जुलाई १६ देखि प्रतिबन्ध शुरु भएको हो ।
त्यसबेला राष्ट्रसंघको ‘नार्कोटिक्स कन्ट्रोल बोर्ड’ ले गाँजालाई हिरोइनजस्तो कडा लागुपदार्थको दर्जामा राखेको थियो । आफ्नो नीतिअनुसार गाँजा प्रतिबन्ध लगाउन सहयोग नगरेको भन्दै राष्ट्रसंघले नेपालको चर्को आलोचना ग¥यो । एशिया र पश्चिमी देशमा अझै प्रतिबन्धित नभएको गाँजा तुरून्तै प्रतिबन्ध लगाउन उसले दबाब दियो ।
खासगरी त्यतिबेला काठमाडौं छिरेका कतिपय अमेरिकी ‘लागुऔषध सेवन गर्ने नाममा यतै बस्न थालेपछि अमेरिका चिन्तित भयो । सोही कारण नै नेपालको गाँजा खेतीमाथि उसले राष्ट्र संघमार्फत प्रतिबन्ध लगाएको हो । गाँजाको महत्व हामीकहाँ परम्परागत रूपमा धेरै छ । गाँजा अहिले भने लागुऔषधका रुपमा खाने बढी चलन रहेको छ ।
गाँजाप्रतिको धार्मिक आस्था र मान्यता
पहिलेको समय बूढापाकाले अनिद्रा र शारीरिक पीडा हटाउन गाँजा खाने गर्थे । धार्मिक रुपमा भजनकिर्तनको आनन्द लिन, चाडपर्व मनाउन, घरपालुवा जनावरको उपचार गर्न र साधुहरूलाई दान दिन पनि गाँजा प्रयोग हुन्थ्यो । पशुपतिमा आउने नागा बाबाले त अहिले पनि गाँजा खाने गरेको स्पष्ट देखिन्छ ।
नेपालमा हिन्दु धर्मको प्रभावले गाँजा चलनमा आएको बताइन्छ । नेपाल र भारतमा फागुपर्वका बेला गाँजाको भाङ खाने चलन छ । भगवान शिवले समुद्र मन्थनका बेला अमृत शुद्धीकरण निम्ति शरीरबाट गाँजा उत्पादन गरेको भनाइ छ । अर्को व्याख्याअनुसार त्यही अमृतको थोपा जमिनमा परेपछि गाँजाको बिरूवा उम्रेको हो ।
गाँजालाई मान्छेको दैनिक व्यवहारमा पनि उपयोगी मानिएको छ । नेपालको मध्यपश्चिम पहाडमा यसले दाउरा आपूर्ति गर्छ । यसको चोपबाट चरेस उत्पादन हुन्छ, जुन महँगो हुनाले ‘ब्ल्याक गोल्ड’ भनिन्छ । गाँजाको रेसाबाट कपडा र पातबाट उच्च कोटीको प्रांगारिक मल बनाइन्छ ।
गाँजा अभियान्ताको सफल प्रयास
प्रतिबन्धित गाँजा राष्ट्रसंघीय नियोगबाट फुकुवा भएपछि नेपालमा गाँजा खेती, उत्पादन र बिक्रीबारे बहस गर्दै आएका अभियान्ता भने खुशी भएका छन् । पूर्व प्रशासक भीम उपाध्यायले गाँजा विश्वव्यापी रुपमै खुला गरिएकोमा खुशी व्यक्त गर्छन् । नेकपाका सांसद विरोध खतिवडाले पहिलोपटक संसदमा यस विषयमा बहस शुरु गरेका थिए ।
यस्तै तत्कालिन कानुनमन्त्री शेरबहादुर तामाङले गाजाँसम्बन्धि कानुन संशोधन गर्न संसदमा प्रस्ताव लिएर गैह्रसरकारी विधेयकका रुपमा दर्ता गराएका थिए । ‘बर्षौदेखि गाँजा खेती प्रतिबन्ध थियो । हामीले आवाज उठाउँदै आएका थियौ’ नेपाल सरकारका पूर्व सचिव उपाध्यायले नेपालबहससँग भने, ‘अहिले राष्ट्रसंघीय नियोगबाट प्रतिबन्ध फुकुवा भएपछि अब यसको वैध उत्पादन र खेती शुरु हुनेमा आशावादी छु ।’
उपाध्यायका अनुसार गाँजामाथिको प्रतिबन्ध फुकुवा गर्नका लागि नेपालले पक्षमा मतदान गरेको विषय महत्वपूर्ण हो । नेपालले पक्षमा मतदान गर्दा गाँजामाथिको प्रतिबन्ध फुकाउने देशको संख्या २७ पुगेको हो । विपक्षमा भने २५ मत खसेको थियो ।
भारतले पक्षमा मतदान गर्दा चीनले भने विपक्षमा मतदान गरेको थियो । उपाध्यायका अनुसार चीनले विश्वमा सबैभन्दा धेरै गाँजा खेती गर्दै निर्यात गर्छ । साथै उसले गाँजाबाट विभिन्न वस्तुको उत्पादन गरेर अर्बौ डलर कमाउँछ । पाकिस्तानले एक महिना अघि गरिब किसानका लागि भन्दै आफ्नो देशमा गाँजा वैध गर्ने कानुन पास गरेर गाँजाबाट ३ वर्षमा १ अर्ब डलर कमाउने योजना लागू गरेको छ ।
तर गाँजालाई वैध गर्न पाकिस्तानसँगै चीनले पनि अस्वीकार गरिदियो । यसले पनि गाँजामाथिको खुला बजार र उत्पादन तथा कारोबारमा भित्री रहस्य बढ्दो छ ।
पूर्वसचिव उपाध्यायका अनुसार अब नेपालले आफू अनुकुल कानुनी प्रक्रिया पूरा गरेर यसको व्यवसायिक उत्पादन, बजारीकरण गर्नुपर्छ । राष्ट्र संघबाट प्रतिबन्ध फुकुवा भएपछि अब गाउँगाउँका मानिसहरुलाई गाँजा खेती गरेर मनग्य आम्दानी गर्ने अवसर आएको पूर्वमन्त्री शेरबहादुर तामाङ बताउँछन् ।
‘यस विषयमा शुरुमा धेरैले बोल्नै मानेनन्, जतिले बुझेर बोले, त्यो पनि डराई डराई बोलेका थिए’ गाँजामाथिको प्रतिबन्ध फुकुवा भएपछि नेपालबहससँग तामाङले भने, ‘तर अहिले यो कुरा सबैले बुझ्ने भएका छन् । राष्ट्र संघले नै प्रतिबन्ध फुकुवा गरेपछि नेपालमा पनि गाँजाको उपयोग र व्यवसाय गर्न सहज भएको छ ।
नेपालमा कहिलेदेखि गाँजाको कारोबार खुल्छ ?
गाँजाको उपयोगका विषयमा बहस शुरु भएसँगै यसको कानुनी प्रावधानमाथि पनि छलफल जारी छ । गाँजाको विषयमा २०७५ सालमा सबैभन्दा पहिले नेकपाका सांसद विरोध खतिवडाले संसदमा बहसको शुरुवात गरेका थिए । त्यसको अर्को बर्ष नै गाँजाको उत्पादन, प्रशोधन, बजार ब्यवस्थापन र बिक्री वितरण तथा प्रयोगलाई नियमन गर्न संसदमा विधेयक दर्ता भएको थियो ।
सांसद शेरबहादुर तामाङले गैर सरकारी कोटामा “गाँजा खेती व्यवस्थापन ऐन, २०७६” संसदमा दर्ता गराएका हुन् । नेपालमा गाँजाका विषयमा संसदमा दर्ता भएको यही एउटा मात्र प्रस्ताव हो । तामाङ कानुनमन्त्रीबाट विवादास्पद अभिव्यक्तिका कारण पदबाट राजीनामा दिएका सांसद हुन् । उनले गाँजाको उपपयोगका विषयमा बहस गर्दै आएका छन् ।
चार दशक पहिले नेपालमा गाँजामाथि लागेको प्रतिबन्ध फुकुवा गर्ने बाटो खुलेपछि अहिले संसदमै रहेको विधेयक पारित नभईकन नेपालमा यसको खुलेआम बिक्री वितरण गर्न पाइदैन् । राष्ट्र संघबाट प्रतिबन्द फुकुवा भएसँगै अब सरकारले विधेयक संसदमा पारित गरेपछि नेपालमा यसको खुल्ला रुपमा उत्पादन, व्यवसाय, बिक्री वितरण र कारोबार शुरु हुनेछ । यसले नेपालमा रोजगारी मात्रै सिर्जना हुनेछैन्, नेपालले गाँजा निर्यात गरेर मनग्य विदेशी डलर समेत कमाउनेछ ।
‘अब राष्ट्रसंघीय नियोगले नै प्रतिबन्ध फुकुवा गरेपछि नेपालमात्रै होइन, विश्वभर यसको व्यवसाय, उत्पादन र प्रयोग बढ्नेछ’ सांसद तामाङ भन्छन्, ‘तर नेपालमा अहिले संसदमा रहेको विधेयक पारित नभई उत्पादन र कारोबार वैध मानिदैन् । अब जतिसक्दो चाँडो संसदबाट विधेयक पारित गरेर नेपालमा गाँजाको व्यवसायिक उत्पादनलाई जोड दिनुपर्छ ।’
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार